काँग्रेस सभापति एवं पूर्व प्रधानमन्त्री देउवा शनिवार नवलपरासी आउँदै

राजनीति

Home
राजनीति
काँग्रेस सभापति एवं पूर्व प्रधानमन्त्री देउवा शनिवार नवलपरासी आउँदै

काँग्रेस सभापति एवं पूर्व प्रधानमन्त्री देउवा शनिवार नवलपरासी आउँदै

परासी । नेपाली काँग्रेसका सभापति एवं पूर्वप्रधानमन्त्री शेरबहादुर देउवा शनिवार असार ८ गते नवलपरासी आउनु हुने भएको छ । नवलपरासीमा २०१५ सालको निर्वाचनमा प्रथम जननिर्वाचित सांसद स्व. पृथ्वीराज कण्डेलको अर्धकदको शालिक अनावरण र स्व. पृथ्वीराज कण्डेल बसपार्क समुदघाटन गर्न सभापति आउने कार्यक्रम रहेको नेपाली काँग्रेस नवलपरासीले जनाएको छ ।

नवलपरासीको पाल्हीनन्दन गाउँपालिका वडा नं. १ महेशपुरमा स्व. कण्डेलको अर्धकद राखिने छ भने स्व.कण्डेलको नाममा निर्मित बसपार्कको उद्घाटन कार्यक्रम रहेको नेपाली कांग्रेसका केन्द्रीय सदस्य एवं पूर्व गृहराज्य मन्त्री देवेन्द्रराज कण्डेलले जानकारी दिनु भयो ।

स्व. पृथ्वीराज कण्डेल बसपार्क संरक्षण एवं व्यवस्थापन समितिका अध्यक्ष दुर्गाप्रसाद कलवारले पूर्वप्रधानमन्त्री देउवा समुदघाटनमा आउने भएपछि त्यसैको भव्य तयारी गरिरहेको बताउनु भयो ।

स्व. पृथ्वीराज कण्डेलको नाममा पाल्हीनन्दन १ महेशपुरमा सुविधा सम्पन्न बसपार्क निर्माण भइसकेको छ । नेपाली काँग्रेसका केन्द्रीय सदस्य कण्डेलको पहलकदमीमा सहरी विकास मन्त्रालयको १ करोड, पाल्हीनन्दन गाउँपालिकाको १० लाख र वडा नं. १ को ३ लाखको लागतमा आकर्षक बसपार्क निर्माण भएको केन्द्रीय सदस्य कण्डेलका स्वकीय सचिव कमलकिशोर रायमाझीले नेपाली चेलीलाई बताउनु भयो ।

निर्माण सम्पन्न बसपार्कको समुदघाटन गर्न पूर्वप्रधानमन्त्री एवं नेपाली काँगे्रसका केन्द्रीय सभापति देउवा नवलपरासी आउन लाग्नु भएको नेपाली काँग्रेस प्रतिनिधि सभा क्षेत्र नं. २ का क्षेत्रीय सभापति माधवप्रसाद पाण्डेले जानकारी दिनु भयो ।