व्यवसायीलाई करको दायरामा ल्याउने रामग्रामको अभियान, १६ लाख ८१ हजार बढी राजश्व संकलन

स्थानीय सरकार

Home
स्थानीय सरकार
व्यवसायीलाई करको दायरामा ल्याउने रामग्रामको अभियान, १६ लाख ८१ हजार बढी राजश्व संकलन

व्यवसायीलाई करको दायरामा ल्याउने रामग्रामको अभियान व्यवसायीलाई करको दायरामा ल्याउने रामग्रामको अभियान, १६ लाख ८१ हजार बढी राजश्व संकलन

मेघराज गौतम बुधबार, असार १९, २०८१

परासी । रामग्राम नगरपालिकाले चालु आ.ब.मा संचालन गरेको व्यवसाय दर्ता अभियानबाट १६ लाख ८१ हजार ४४० राजश्व संकलन गरेको छ । नगर क्षेत्र भित्रका लघु, घरेलु तथा साना उद्योग, व्यापार तथा अन्य व्यवसायीहरुलाई करको दायरामा ल्याउन नगरपालिकाले अभियान शुरु गरेको हो । यतिवेला नगरपालिकाले नयाँ व्यवसाय दर्ता, नविकरण र अनुगमनलाई तिब्रता दिइएको नगरपालिकाका लेखा अधिकृत संजय शर्माले जानकारी दिनु भयो ।

चालु आ.ब मा ६ वटा वडाबाट व्यवसाय दर्ता अभियान शुरु गरिएको हो । नगरका वडा नं. १, २, ३, ५, ६ र १० मा व्यवसाय दर्ता तथा नविकरण अभियान सञ्चालन गरिएको छ । ६ वटा वडामा गरिएको दर्ता अभियानबाट हालसम्म ५ सय ३४ वटा व्यवसायको अनुगमन गरिएको छ भने १ सय ९४ वटा नयाँ व्यवसाय दर्ता पनि भएका छन् । असार मसान्तसम्म दर्ता तथा नविकरण गर्न आउने व्यवसायीलाई नगरपालिकाले करमा छुट गरेको छ ।

अभियान सञ्चालन गरी थपिएका व्यवसायसँगै हाल रामग्राममा २ हजार २ सय २९ वटा व्यवसाय रहेको तथ्याङ्क छ । आगामी आ.ब.मा पनि अभियान सञ्चालन गरी व्यवसायीहरुलाई नगरको करको दायरामा ल्याउने योजना रहेको राजश्व शाखाकी प्रमुख निर्मला प्रजापतिले नेपाली चेलीलाई जानकारी दिनु भयो ।
Ramgram Municipality