प्रतिवन्धित लागू औषध सहित नवलपरासी प्रतापपुरका यादव पक्राउ

स्थानीय समाचार

Home
स्थानीय समाचार
प्रतिवन्धित लागू औषध सहित नवलपरासी प्रतापपुरका यादव पक्राउ

प्रतिवन्धित लागू औषध सहित नवलपरासी प्रतापपुरका यादव पक्राउ

परासी । नवलपरासीको प्रतापुर गाउँपालिका वडा १ बाउनगढीबाट २८ बर्षका अजय यादवलाई प्रहरीले प्रतिवन्धित लागू औषध सहित मंगलबार पक्राउ गरेको छ ।

प्रतापपुरको अमहवादेखि गोपिगञ्ज तर्फ जाँदै गरेको युपि ५६ एक्स ००४२ नम्बरको मोटरसाईकल सहित प्रोसिक्को स्पास ५९ पत्ता मा ४७७ ट्याबलेट, निट्राभेट १० पत्तामा ८८ ट्याबलेट, ओनोरेक्स १०० एमएलमा ३ सिसी र सिरिन्ज २ थान सहित पक्राउ गरेको प्रहरीले जनाएको छ । प्रहरीका अनुसार रेडमिको लाभा मोवाइल १ थान पनि बरामद भएको छ ।

बुधवार लागू औषध सम्बन्धी कसुर शीर्षकमा मुद्धा दर्ता भई अदालत परासीमा ५ दिनको म्याद थप गरी अनुसन्धान भईरहेको जिल्ला प्रहरी कार्यालयका प्रहरी नायव उपरिक्षक एवं सूचना अधिकारी रेशम बोहराले जानकारी दिनु भयो ।

प्रहरीले यादवलाई मंगलबार राती ८ बजेर ३५ मिनेटमा चेकजाँचका क्रममा संकास्पद बस्तु कालो झोलामा ल्याउँदै गर्दा पक्राउ गरेको हो ।

प्रकाशित मिति: बुधबार, साउन १६, २०८१ १७:३५

प्रतिक्रिया दिनुहोस्