चुनावमा भएको जीतहारले राजनीतिक रुपमा हारजीत हुँदैनः जप्रपा अध्यक्ष त्रिपाठी

राजनीति

Home
राजनीति
चुनावमा भएको जीतहारले राजनीतिक रुपमा हारजीत हुँदैनः जप्रपा अध्यक्ष त्रिपाठी

जनता प्रगतिशिल पार्टी चुनावमा भएको जीतहारले राजनीतिक रुपमा हारजीत हुँदैनः जप्रपा अध्यक्ष त्रिपाठी

फोटो नेपाली चेलीका लागि अंगद यादवबाट

परासी । चुनावमा भएको जीतहारबाट राजनीतिक रुपमा हारजीत नहुँने जनता प्रगतिशिल पार्टीका अध्यक्ष हृदेयस त्रिपाठीले बताउनु भएको छ । आवधिक रुपमा चुनाव आइरहन्छ, “कसैको हार त कसैको जीत हुन्छ” तर राजनीति निरन्तर चलिरहने प्रकृया हो, अध्यक्ष त्रिपाठीले भन्नु भयो ।

अध्यक्ष त्रिपाठीले २०७९ को चुनाव पछि ४ वटा विभिन्न गठवन्धनका सरकार बनेको बताउँदै अहिले के अवस्था आइलाग्यो की, नेपालका ठूला राजनीतिक पार्टीहरुले गठनवन्धन गरी सरकार बनाएका छन? उहाँले “दुई भ” एउटा भय र अर्को भ्रष्ट्राचारका कारण ठूला पार्टीहरुको गठवन्धन बनेको दावी गर्नु भयो । यो गठवन्धनले पनि देश र जनताको उन्नती र प्रगतिकालागि कुनै काम गर्न नसक्ने उहाँले दावी गर्नु भयो । जनतामा भएको व्यापक निराशा र चौतर्फी भय र आफ्नै नेता कार्यकर्ताको भ्रष्ट्राचार ढाकछोप गर्न गठनबन्धन बनेको बताउनु भयो ।

नवलपरासीको प्रतापपुर गाउँपालिका बेलाटारीमा शनिवार भएको पार्टी कार्यकर्ताहरुको भेलालाई सम्बोधन गर्दै अध्यक्ष त्रिपाठीले यस्तो बताउनु भएको हो । पार्टीका क्षेत्रीय अध्यक्ष रामप्रीत यादवको अध्यक्षतामा कार्यकर्ताको भेला सम्पन्न भएको छ ।

सो कार्यक्रममा पार्टिका जिल्ला अध्यक्ष राधेरमण पाण्डे, पार्टीकै जिल्ला स्तरका नेता अमूल पाण्डे, राजेश चौधरी, रामअवतार कोईरी, रामचन्द्र चौधरी, रामब्यास यादव लगायतले सम्बोधन गर्नु भएको जिल्ला अध्यक्ष राधेरमण पाण्डेले जानकारी दिनु भयो ।