सुनवल नगरपालिकामा छाडा चौपायाहरुको व्यवस्थापन शुरुः सडक दुर्घटना र अन्नबालीको क्षतिमा आयो कमी

स्थानीय समाचार

Home
स्थानीय समाचार
सुनवल नगरपालिकामा छाडा चौपायाहरुको व्यवस्थापन शुरुः सडक दुर्घटना र अन्नबालीको क्षतिमा आयो कमी

छाडा चौपाया सुनवल नगरपालिकामा छाडा चौपायाहरुको व्यवस्थापन शुरुः सडक दुर्घटना र अन्नबालीको क्षतिमा आयो कमी

नवलपरासी । सुनवल नगरपालिका वडा नं. ३ मा अहिले छाडा गाईवस्तुको व्यवस्थापन कार्य शुरु गरिएको छ । झण्डै १६ कठ्ठा जग्गामा छाडा गाई वस्तुहरुको व्यवस्थापन गरिएको वडा नं. ३ कार्यालयले जनाएको छ । जनोदय सामुदायिक वन उपभोक्ता समितिको वन क्षेत्रमा पर्ने जग्गामा सामुदायिक वन समिति र सुनवल नगरपालिकाको सहयोगमा गाईबस्तुको व्यवस्थापन गरिएको हो ।

छाडा चौपायाको उचित व्यवस्थापनका कारण अहिले रातिको समयमा राजमार्ग क्षेत्रमा हुने दुर्घटना र छाडा चौपायाका कारण अन्नबालिको नोक्सानीबाट सुनवल क्षेत्रका किसान पूर्णरुपमा मुक्त भएको अध्यक्ष गुरुङ्गको दावी छ ।

१६ कठ्ठा वन क्षेत्रमा तारवार गरी नियमित २ जना हेरालुको सहयोगमा हाल करिव ८५ वटा छाडा गाईवस्तुलाई व्यवस्थापन गरिएको वडा नं. ३ का वडा अध्यक्ष पविन गुरुङ्गले जानकारी दिनु भयो । उहाँले २ जना हेरालुको ३० हजार रुपैया सुनवल नगरपालिकाले दिने गरेको बताउनु भयो ।

सुनवल नगरपालिकाको सहयोग र वडा नं. ३ को सक्रियतामा शुरु गरिएको छाडा गाईवस्तुको व्यवस्थापनमा अहिले विभिन्न संघसंस्थाहरुबाट सहयोग जुट्न थालेको छ । वनको जग्गामा कुनै पनि भौतिक निर्माणको काम गर्न नमिल्ने भएकोले खुल्ला आकाशमा गाई वस्तु बस्न बाध्य भएका छन् । वन कार्यालयले सो जग्गामा आवश्यक सेड निर्माणको काम गरिदिए छाडा गाईवस्तुको व्यवस्थापनमा सहज हुने सरोकारवालाहरुले बताएका छन् ।

यसैबीच नेपाल अडिटर्स एशोसिएसन (अडान) नवलपरासीले छाडा गाईवस्तुको व्यवस्थापनका लागि नगद ७ हजार रुपैया दिएको छ । अडानका जिल्ला अध्यक्ष पंचदेव गुप्ताले उक्त रकम वडा अध्यक्ष पविन गुरुङ्गलाई हस्तान्तरण गर्नु भएको अडिटर विष्णुप्रसाद चापागाईंले जानकारी दिनु भयो ।
galaxy parasi