एमाले नवलपरासीका जनवर्गिय संगठनहरुको संयुक्त बैठक परासीमा सम्पन्न

राजनीति

Home
राजनीति
एमाले नवलपरासीका जनवर्गिय संगठनहरुको संयुक्त बैठक परासीमा सम्पन्न

नेकपा एमाले नवलपरासी एमाले नवलपरासीका जनवर्गिय संगठनहरुको संयुक्त बैठक परासीमा सम्पन्न

परासी । नेकपा एमाले नवलपरासीका जिल्ला स्तरीय जनवर्गिय संगठनहरुको संयुक्त बैठक आइतबार परासीमा सम्पन्न भएको छ । एमाले जिल्ला अध्यक्ष दिपेन्द्र कुमार अधिकारीको अध्यक्षता र केन्द्रीय सल्लाहाकार खिमलाल पोख्रेलको प्रमुख आतिथ्यमा बैठक सम्पन्न भएको हो ।

बैठकमा विभिन्न जनसंगठनहरुले आफ्नो कामको प्रतिवेदन पेश गरेका थिए ।

जनवर्गिय संगठनहरुको संयुक्त बैठकले विभिन्न तीन वटा निर्णयहरु गरेको छ । यहि भदौ मसान्त भित्र सबै जनवर्गिय संगठनहरुको जिल्ला कमिटिको बैठक बस्ने, अवधि पुरा भएका भात्री संगठनहरुको जिल्ला अधिवेशन सम्पन्न गर्ने र युवा, महिला र विद्यार्थी संगठनहरुका जिल्ला स्तरीय पदाधिकारीहरुका बीच पार्टि प्रशिक्षण सञ्चालन गर्ने निर्णय भएको जिल्ला कमिटिका सचिव धिरज शर्मा बस्यालले जानकारी दिनु भयो ।

सो अवसरमा बोल्दै पार्टीका केन्द्रीय सल्लाहकार पोख्रेलले “मुख हेरेर हैन काम हेरेर पार्टी भित्र कामको जिम्मेवारी दिने लिने गर्न आग्रह गर्नु भयो ।

यस्तै नेकपा एमालेका केन्द्रीय स्कूल विभाग सदस्य बद्री खनालले पार्टी भित्र अध्ययन संस्कृतिको विकास गर्नु पर्ने बताउनु भयो । उहाँले पार्टीका जनवर्गिय संगठन पार्टीका अभिन्न अंग भएकोले आआफ्नो भूमिका अनुसार क्रियाशिल बन्न आग्रह गर्नु भयो ।

नेकपा एमालेले विभिन्न पेशा र व्यवसायमा आवद्ध व्यक्तिहरुलाई २३ वटा जनवर्गिय संगठनहरुमा संगठीत गरेको कार्यालय सचिव रामचन्द्र भण्डारीले जानकारी दिनु भयो ।
galaxy parasi