रामग्राम महिला जेसीजको आयोजनामा एक दिने जेसीज पूर्व परिचयात्मक तालिम परासीमा सम्पन्न

स्थानीय समाचार

Home
स्थानीय समाचार
रामग्राम महिला जेसीजको आयोजनामा एक दिने जेसीज पूर्व परिचयात्मक तालिम परासीमा सम्पन्न

रामग्राम महिला जेसीजको आयोजनामा एक दिने जेसीज पूर्व परिचयात्मक तालिम परासीमा सम्पन्न

रामग्राम महिला जेसीजको आयोजनामा शनिबार एक दिने जेसीज पूर्व परिचयात्मक तालिम परासीमा सम्पन्न भएको छ ।

रामग्राम महिला जेसीज २०२३ की अध्यक्ष जोगमाया चौधरीको अध्यक्षतामा भएको कार्यक्रममा प्रमुख अतिथि रामग्राम महिला जेसीजकी पूर्व अध्यक्ष प्रभा ज्ञवालीले तालिमको उदघाटन गर्दै जेसीज यूवा सशक्त्तिकरणका लागि नेतृत्वमा निखार ल्याउने सिकाईको विश्व विद्यालय रहेको बताउनु भयो ।

यसैगरि नेपाल जेसीज पूर्व राष्ट्रिय उपाध्यक्ष सन्दिप अग्रहरीले व्यक्तित्व तथा नेतृत्व विकासको लागि जेसीज महत्वपूर्ण सिर्काइ केन्द्र रहेको बताउनुभयो ।

तालिममा रामनगर महिला जेसीजकी पूर्व अध्यक्ष हिमा न्योपानेले जेसीजको विषयमा प्रशिक्षण दिनुभएको थियो ।
सो अवसरमा रामग्राम जेसीज २०२२ का अध्यक्ष अनिल उपाध्यक्ष, रामग्राम महिला जेसीज २०२२ की अध्यक्ष अनिता दवाडी तिवारी , रामग्राम महिला जेसीज २०२१ की अध्यक्ष पुष्पा लामा लगाएतले शुभकामना व्यक्त गर्नु भएको थियो ।

कार्यक्रमको संयोजन सनम मुल्मिको रहेको थियो भने जेसीज आस्था पाठ लक्ष्मी चौधरीले गर्नु भएको रामग्राम महिला जेसीजका महासचिव डोल्मा चौधरीले जानकारी दिनुभयो ।

No description available.