रामग्राम जेसीजको २३ औ पदस्थापना सकियो अध्यक्षमा वस्याल चयनः सन् २०२३ को थिम " वि ओरिजिनल"

स्थानीय समाचार

Home
स्थानीय समाचार
रामग्राम जेसीजको २३ औ पदस्थापना सकियो अध्यक्षमा वस्याल चयनः सन् २०२३ को थिम " वि ओरिजिनल"

रामग्राम जेसीजको २३ औ पदस्थापना सकियो अध्यक्षमा वस्याल चयनः सन् २०२३ को थिम " वि ओरिजिनल"

रामग्राम जेसीजको २३ औ पदस्थापना कार्यक्रम आइतबार परासीमा सम्पन्न भएको छ । रामग्राम जेसीज बर्ष २०२२ का अध्यक्ष अनिल उपाध्यायको अध्यक्षता तथा लुम्बिनी प्रदेश सभा सदस्य वैजनाथ जयसवालको प्रमुख आतिथ्यमा पदस्थापना गरिएको हो ।
सन् २००० मा स्थापना भएको रामग्राम जेसीजले आफ्नो २३ औं नेतृत्व चयन गर्दै पदस्थापना गरेको हो । वि ओरिजिनल भन्ने मूल ध्यय बोकेर स्न २०२३ मा रामग्राम जेसीजको नयाँ नेतृत्व बेनिमाधव वस्यालले गर्नु हुने भएको छ । नयाँ कार्यसमितिको २ जना कार्यकारीणी उपाध्यक्षमा पुरुषोत्तम तिवारी, राजु देवान चयन हुनु भएको छ भने ४ जना उपाध्यक्षमा रामप्रसाद पौडेल, श्याम कोहार, पारस यादव र निरज ज्ञवाली निर्वाचित हुनु भएको छ । यस्तै रामग्राम जेसीज बर्ष २०२३ कालागि सहकोषाध्यक्षमा जगदिश कोहार, सह सचिवमा उमेश कोहार चयन हुनु भएको छ । यस अघि नै सन् २०२३ कालागि निर्वाचन सम्पन्न भएको हो भने आज औपचारीक रुपमा पदहस्तान्तरण गरिएको बर्ष २०२२ का अध्यक्ष उपाध्यायले वताउनु भयो ।
नवनिर्वाचित अध्यक्ष वस्यालले महासचिवमा विष्णु राज राव, कोषाध्यक्षमा मुकेश नारायण लोनिया र कानूनी सल्लाहाकारमा सन्तोष खनाललाई मनोनित गर्नु भएको हो ।
सो अवसरमा नेपाल जेसीजका निरुपित राष्ट्यि उपाध्यक्ष गुरुदेव पौडेल, रामग्राम जेसीजका संस्थापक अध्यक्ष श्यामकुमार वस्याल, नेपाल जेसीजका पूर्व राष्ट्यि उपाध्यक्ष यमकुमारी सुवेदी, पूर्व अध्यक्ष सुमन गोपाल आचार्य लगायतले शुभकामना मन्तव्य व्यक्त गर्नु भएको थियो ।
नयाँ नेतृत्व चयनका लागि वनेको निर्वाचन आयुक्तको भूमिका पूर्व अध्यक्ष चन्द्रमणी चौधरी, यमकुमारी सुवेदी र मुक्ति प्रसाद पौडेलले गर्नु भएको थियो । कार्यक्रममा जेसीज आस्थापाठ निरज ज्ञवाली र स्वागत मन्तत्व विष्णुराज रायले गर्नु भएको जेसीजका कानूनी सल्लाहाकार मोहन पौडेलले जानकारी दिनु भयो ।

प्रकाशित मिति: आइतबार, माघ ८, २०७९ १८:३४

प्रतिक्रिया दिनुहोस्