लुम्बिनी प्रदेशको अर्घाखाँची जिल्लामा बि.सं. २०२८ साल मंसिर १९ गते बाबु लालमणी भूसाल र आमा टंककला भुसालको कोखबाट चौथो सन्तानको रुपमा रुपमा जन्मिनु भएकी सरिता खनाल सानै उमेरदेखि निडर र तार्किक स्वभावकी हुनुहुन्थ्यो ।
अनेरास्ववियूको स्थापना भएको झण्डै २२ बर्ष पछि विद्यार्थी राजनीतिबाट संगठीत र प्रशिक्षित जीवनको शुरुवात गर्नु भएकी सरिताले २०४६ सालको एतिहासिक जनआन्दोलनमा सक्रिय भूमिका निर्वाह गर्नु भएको थियो । जीवन र जगतलाई बुझ्ने तथा गरीव तथा सर्वहारा श्रमजीविहरुको पक्षमा आफूलाई उभ्याउने स्वभाव भएकी उहाँ कम्यूनिष्ट विचारबाट अभिप्रेरित बन्नु भयो । बामपन्थी राजनीतिबाट मात्रै देशको समग्र विकास सम्भव हुने विश्वासका साथ राजनीतिक जीवनको प्रारम्भ गर्नु भएकी सरिताले २०४७ सालमा नेकपा (एमाले)को भात्री संगठन, अखिल नेपाल महिला संघ जिल्ला सह—सचिव वन्नु भयो ।
महिला र विद्यार्थी लगाएताका जनवर्गिय संगठनमा सक्रय रहँदै आउनु भएकी उहाँले २०४७ सालमा पार्टीको संगठीत सदस्यता प्राप्त गर्नु भएको थियो । समाजको सकारात्मक परिवर्तनमा सधै अग्रमोर्चामा बस्न रुचाउने सरिताले अर्घाखाँची जिल्लामै बस्दा तत्कालिन समयमा नेपाली काँग्रेसको सरकारले हत्या गरेका सहिद वशिर मियाको लास बोकेको स्मरण गर्नु हुन्छ । वहाँले निरन्तर समाजको विकृति र बिसंगतीका विरुद्ध आफूलाई सधै नेतृत्वदायी भूमिकामा राख्नु भयो ।
अर्घाखाँची जिल्लामै हुँदा महिला अधिकार, महिलामाथि हुने हिंसाका विरुद्ध आफूले आवाज बुलन्द गरेको वहाँ बताउनु हुन्छ । त्यती नै बेला महिला अधिकारकालागि अर्घाखाँची जिल्लाको जिल्ला प्रशासन कार्यालयमा १५ दिन धर्ना पनि बस्नु भएको थियो ।
उच्च शिक्षा अध्ययनको क्रममा वहाँ २०४८ मा काठमाण्डौंको पद्मकन्या क्याम्पसमा पुग्नु भयो । विभिन्न गतिविधिमा सक्रिय सरिता क्याम्पसमा अनेरास्ववियूमा आवद्ध भई स्ववियू सदस्य पदमा उम्मेदवार पनि वन्नु भयो । पछि त्रिभुवन विश्वविद्यालय किर्तिपुरमा अनेरास्ववियू विश्वविद्यालय कमिटिको कोषाध्यक्ष बन्नु भयो ।
उच्च शिक्षाको अध्ययनकै शिलशिलामा २०५२ सालमा वहाँ बैवाहिक जीवनमा बाधिनु भयो । बैवाहिक जीवनमा बाँधिएपनि वहाँको सक्रिय राजनीतिको भूमिकामा भने कमि आएन । महिला नेतृ सरिताकालागि बैवाहिक जीवन पछि पनि श्रीमान बद्री खनालको निकै साथ रहिरह्यो । वहाँका श्रीमान खनाल पनि बामपन्थी राजनीतिका अब्बल वौद्धिक नेताका रुपमा जिल्लामा परिचित हुनु हुन्छ । श्रीमान्को साथमा रहँदा वहाँले थप अवसर पनि प्राप्त गरिरहनु भएको छ । वहाँले वर्दघाटमा रहेको दिव्य ज्योति वहुमुखी क्याम्पसमा करिव २३ बर्ष श्रीमान बद्री खनालसँगै प्राध्यापकको रुपमा अध्यापन गर्नु भयो । उहाँ प्रगतिशिल प्राध्यापक संगठनको केन्द्रीय सदस्य तथा लुम्बिनी बौद्ध विश्व विद्यालयको सभा सदस्य रहनु भएको छ ।
अध्यापन पेशामै रहँदा तत्कालिन माकर गाउँ कमिटिको उपसचिव, पार्टीको नवलपरासी जिल्ला सदस्य, अनेमसंघको केन्द्रीय सदस्य वन्नु भयो । नेकपा एमालेको १० औं राष्ट्यि महाधिवेशनबाट उहाँ पार्टीको केन्द्रीय कमिटि सदस्य चुनिनु भयो भने उहाँले पश्चिम नवलपरासीको पार्टी इन्चार्ज समेतको जिम्मेवारी प्राप्त गर्नु भएको छ ।
नेपालको संविधान अनुसार भएको प्रदेश र संघको निर्वाचन २०७९ मा महिला नेत्री सरिता खनाल नेकपा एमालेबाट प्रतिनिधि सभाको समानुपातिक निर्वाचन प्रणालीबाट सदस्यमा निर्वाचित बन्नु भएको छ ।
नेपाली चेलीकालागि महिला नेतृ सरिता खनाल भुसालको राजनीतिक यात्रा सहकर्मी यमु गौतम ले तयार पार्नु भएको हो
