२७ गते शनिबार नवलपरासीमा एकै दिन ५ वटा सहकारीको साधारण सभा सम्पन्न

अर्थ - वाणिज्य

Home
अर्थ - वाणिज्य
२७ गते शनिबार नवलपरासीमा एकै दिन ५ वटा सहकारीको साधारण सभा सम्पन्न

२७ गते शनिबार नवलपरासीमा एकै दिन ५ वटा सहकारीको साधारण सभा सम्पन्न

परासी । सहकारी ऐन २०७४ अनुसार कुनै पनि सहकारी संस्थाले आर्थिक वर्ष समाप्त भएको ६ महिनाभित्र वार्षिक साधारण सभा गर्नुपर्ने कानुनी व्यवस्था गरेको छ । सोही अनुसार पुस मसान्तभित्र साधारण सभा गर्नुपर्ने सहकारीहरूलाई कानुनी बाध्यता छ।

शनिबार एकै दिन विभिन्न पाँच वटा सहकारीले आफ्नो वार्षिक साधारण सभा सम्पन्न गरेका हुन् ।

जिल्ला बचत तथा ऋण सहकारी सङ्घ लिमिटेड नवलपरासीले चौथो वार्षिक साधारण सभा तथा दोस्रो सञ्चालक समितिको निर्वाचन सम्पन्न गरेको छ भने पाल्ही सूचना तथा सञ्चार सहकारी संस्था लिमिटेडद्वारा सञ्चालित सामुदायिक रेडियो सुनवलले १३औ वार्षिक साधारण सभा र निर्वाचन सम्पन्न गरेको हो।

जिल्ला बचत तथा ऋण सहकारी सङ्घको अध्यक्षमा पुनः राजनकुमार आचार्य सर्वसम्मत निर्वाचित हुनुभएको छ भने सामुदायिक रेडियो सुनवलको अध्यक्षमा ईश्वरी भण्डारी सर्वसम्मत निर्वाचित हुनुभएको छ।

यस्तै रामग्राम नगरपालिकाभित्रका तीनवटा सहकारीले शनिबार साधारण सभा गरेका छन्। रामग्राम बचत तथा ऋण सहकारी संस्था लिमिटेडले २२ औ वार्षिक साधारण सभा गरेको छ भने रामग्राम बहुउद्देश्य सहकारी संस्था लिमिटेडले आफ्नो तेस्रो साधारण सभा गरेको हो। रामग्राम नगरपालिका वडा नम्बर ३ स्थित महिलाहरूद्वारा सञ्चालित शुभलक्ष्मी महिला बहुउद्देश्य सहकारी संस्थाले आफ्नो १८ औँ वार्षिक साधारण सभा सम्पन्न गरेको छ ।

साधारण सभा सम्पन्न गरेका सबै सहकारीहरूले आर्थिक वर्ष २०८०। ८१ को समीक्षा र चालु आर्थिक वर्ष २०८१। ८२ को नयाँ कार्य योजना तयार पारेका छन्।

आर्थिक मन्दीका कारण थलिएको अर्थतन्त्रलाई मजबुत बनाउने आधार स्तम्भका रुपमा सञ्चालित सहकारीहरूले सदस्यहरूको सेवा र आर्थिक सामाजिक उन्नयनका लागि योगदान गर्दै आएको सहकारीका विज्ञहरूले बताएका छन्।

प्रकाशित मिति: आइतबार, पुस २८, २०८१ ०६:३५

प्रतिक्रिया दिनुहोस्