सुनवल ९ को नवनिर्मित वडा भवन समुद्घाटन

स्थानीय सरकार

Home
स्थानीय सरकार
सुनवल ९ को नवनिर्मित वडा भवन समुद्घाटन

सुनवल ९ को नवनिर्मित वडा भवन समुद्घाटन

सुनवल । नवलपरासीको सुनवल नगरपालिकाले वडा नम्बर ९ को नवनिर्मित भवनको समुद्घाटन गरेको छ। वडाकै सुविधा सम्पन्न भवनबाट नागरिकलाई सेवा प्रवाह गर्ने उद्देश्यले पछिल्लो समय नगरपालिकाले आफ्नै वडा कार्यालय भवन निर्माणलाई गति दिएको हो। यसअघि नगरपालिकाले पाँचवटा वडा कार्यालय भवन निर्माण सम्पन्न गरिसकेको छ । सुनवल नगरपालिका वडा नम्बर ९ का नागरिकहरूले बिहिबार बाटै आफ्नै नवनिर्मित भवनबाट सेवा लिन थालेका छन्।

वडा नम्बर ९ का अध्यक्ष वीरबल चौधरीको अध्यक्षता र सुनवल नगरपालिकाकी नगर प्रमुख बिमला अर्यालको प्रमुख आतिथ्यमा वडाको नवनिर्मित भवन समुद्घाटन गरिएको हो।

सो अवसरमा नगर प्रमुख अर्यालले वडाबासी नागरिकहरूलाई सहज सेवा पुर्‍याउने उद्देश्यले सुविधा सम्पन्न वडा भवन निर्माण कार्यलाई निरन्तरता दिइएको बताउनुभएको छ।

कार्यक्रममा नगर उपप्रमुख सूर्यप्रसाद दुबे, वडा अध्यक्ष बालकृष्ण पंगेनी, खानेपानी महासङ्घ लुम्बिनी प्रदेशका अध्यक्ष थानप्रसाद गैरे, समाजसेवी रामचन्द्र भण्डारी उज्वल कुँवर, मुक्तिबहादुर भण्डारी लगायतले शुभकामना व्यक्त गर्नुभएको छ।

नगरपालिकाले संघीय सरकारको समपुरक अनुदान र पालिकाकै कोषबाट ६२ लाख ५५ हजारको लागतमा वडा कार्यालय भवन निर्माण सम्पन्न गरिएको योजना प्रमुख पुरुषोत्तम ढकालले नेपाली चेलीलाई जानकारी दिनुभयो ।

प्रकाशित मिति: शुक्रबार, माघ ४, २०८१ ०६:२०

प्रतिक्रिया दिनुहोस्