नवलपरासीको सरावल गाउँपालिकाद्वारा १५ औं गाउँ सभा तथा अधिबेशन सम्पन्न

स्थानीय सरकार

Home
स्थानीय सरकार
नवलपरासीको सरावल गाउँपालिकाद्वारा १५ औं गाउँ सभा तथा अधिबेशन सम्पन्न

नवलपरासीको सरावल गाउँपालिकाद्वारा १५ औं गाउँ सभा तथा अधिबेशन सम्पन्न

परासी । सरावल गाउँपालिकाले आइतबार १५ औं गाउँ सभा तथा अधिवेशन सम्पन्न गरेको छ । सम्पन्न अधिबेशनले सभा सञ्चालन कार्यविधि २०८१, व्यवसाय कर व्यवस्थित गर्न बनेको विधेयक, २०८१ र शिक्षा ऐन दोश्रो संशोधन, २०८१ पास गरेको हो ।

गाउँपालिकाका अध्यक्ष सुखाडिप्रसाद चौधरीले सञ्चालन गर्नु भएको अधिवेशनमा सभा सञ्चालन कार्यविधि २०८१, वडा नं. ७ का अध्यक्ष ह्यात अलि खाँ धुनियाँले प्रस्तुत गर्नु भएको थियो भने व्यवसाय कर व्यवस्थित गर्न बनेको विधेयक वडा नं. ४ की सदस्य रञ्जना महतोले पेश गर्नु भएको हो । यस्तै शिक्षा ऐन दोश्रो संशोधन विधेयक वडा नं. २ का कार्यवाहक वडाध्यक्ष तुफानीलाल गुप्ताले सभामा पेश गर्नु भएको थियो । सवै विधेयकहरु १५ औं गाउँ सभा तथा अधिबेशनले पास गरेको छ ।

सो अवसरमा सरावल गाउँपालिकाकी उपाध्यक्ष वासमती हरिजनले चालु आ.ब.२०८१।०८२ को बजेट संशोधन प्रस्ताव पेस गर्नु भयो । वडा नं. ३ का अध्यक्ष फिरङ्गी चौधरीले न्यायिक समितिको प्रतिवेदन प्रस्तुत गर्नु भएको थियो । सभामा प्रमुख प्रशासकीय अधिकृत विशाल मिश्राले चालु आ.ब.२०८१।०८२ को ६ महिनाको प्रगति समिक्षा प्रस्तुत गर्नु भएको गाउँपालिकाका योजना शाखा प्रमुख इश्वरी खनालले जानकारी दिनुभयो ।

सम्पन्न १५ औं गाउँ सभामा गाउँकार्यपालिकाका सदस्यहरुले शुन्य समयको उपयोग गर्दै जनप्रतिनिधिहरुलाइ नेतृत्व तथा काम, कर्तव्य र अधिकार सम्बन्धी प्रशिक्षण सञ्चालन गर्नु पर्नेमा जोड दिएका थिए । यस्तै सेवाग्राही नागरिकहरुलाई सर्वशुलभ, छिटोछरिता र पारदर्शी ढंगले सेवा प्रवाह गर्न कर्मचारीहरुलाई सभासदहरुले आग्रह गरेका छन् । सभासदहरुले सरावल गाउँपालिका खेलकूदको उर्वर क्षेत्र भएकोले राष्ट्रिय स्तरका खेलाडि उत्पादन गर्न विद्यागत खेल प्रशिक्षण सञ्चालन गर्न जोड दिएका थिए ।

प्रकाशित मिति: सोमबार, माघ १४, २०८१ ०६:४९

प्रतिक्रिया दिनुहोस्