नवलपरासीको सुनवलमा सम्पत्ती शुद्धिकरण निवारण सम्बन्धी अन्तरक्रिया सम्पन्न

अर्थ - वाणिज्य

Home
अर्थ - वाणिज्य
नवलपरासीको सुनवलमा सम्पत्ती शुद्धिकरण निवारण सम्बन्धी अन्तरक्रिया सम्पन्न

नवलपरासीको सुनवलमा सम्पत्ती शुद्धिकरण निवारण सम्बन्धी अन्तरक्रिया सम्पन्न

परासी । सहकारीमा सम्पत्ती शुद्धिकरण निवारण सम्बन्धी अन्तक्रियात्मक कार्यक्रम आज सहकारी शीत भण्डार सुनवलमा सम्पन्न भएको छ । जिल्ला बचत तथा ऋण सहकारी संघ लि.को आयोजना र जिल्ला सहकारी संघ लि. नवलपरासीको समन्वयमा सोमबार सुनवलको सहकारी शीत भण्डारमा कार्यक्रम गरिएको हो ।

जिल्ला बचत संघका अध्यक्ष राजनकुमार आचार्यको अध्यक्षता र जिल्ला सहकारी संघका अध्यक्ष विष्णु प्रसाद पौडेलको प्रमुख आतिथ्यमा कार्यक्रम सञ्चालन गरिएको हो । कार्यक्रममा जिल्ला सहकारी संघका अध्यक्ष पौडेलले सहकारीहरुले सम्पत्ति शुद्धिकरण सम्बन्धी ऐनको पूर्ण कार्यान्वयन गर्न जिल्लाका सवै प्रारम्भिक सहकारीहरुलाई अनुरोध गर्नु भएको छ ।

अध्यक्ष पौडेलले सहकारी संस्थाहरुले सम्पत्ति शुद्धिकरण रोक्न सक्रिय भूमिका निर्वाह गर्ने र वित्तिय प्रणालीमा पारदर्शिता बढाउने तथा अवैध आर्थिक क्रियाकलापहरुलाई निरुत्साहित गर्नु पर्ने बताउनु भयो ।
सो अवसरमा जिल्ला बचत संघ र जिल्ला सहकारी संघका पदाधिकारीहरुको उपस्थिति रहेको बचत संघका जिल्ला सचिव देवराज श्रेष्ठले जानकारी दिनु भयो ।

सहकारीसंस्थाहरु आर्थिक कारोबार गर्ने वित्तिय र सामाजिक संस्था भएकोले सम्पत्ति शुद्धिकरण निवारण सम्बन्धी कानूनी तथा नियमहरु पालना गर्नु हुन्छ । नेपालमा सम्पत्ति शुद्धिकरण निवारण सम्बन्धी ऐन, २०६४ र सहकारी ऐन २०७४ अनुसार सहकारी संघ संस्थाले काम गरिरहेका छन् ।

कार्यक्रमको सहजिकरण सयपत्री बचत तथा ऋण सहकारी संस्थाका व्यवस्थापक टिकाराम तिमिल्सीनाले गर्नु भएको हो ।

प्रकाशित मिति: सोमबार, माघ १४, २०८१ १७:१४

प्रतिक्रिया दिनुहोस्