नवलपरासीमा चैत्र ७ गते देखि हुने एसइइ परीक्षाको आवश्यक तयारी पूरा

शिक्षा

Home
शिक्षा
नवलपरासीमा चैत्र ७ गते देखि हुने एसइइ परीक्षाको आवश्यक तयारी पूरा

नवलपरासीमा चैत्र ७ गते देखि हुने एसइइ परीक्षाको आवश्यक तयारी पूरा

परासी । नवलपरासीमा चैत्र ७ गते बिहिबारदेखि सुरु हुने माध्यमिक शिक्षा परीक्षा ( एसइइ ) को आवश्यक तयारी पुरा भएको छ। यस वर्ष परीक्षामा कुल ६ हजार ४१४ जना परीक्षार्थी सहभागी हुने भएका छन्।

साधारण, प्राविधिक र ग्रेड वृद्धि गरी सो सङ्ख्यामा परीक्षार्थी सहभागी हुने जिल्ला शिक्षा विकास तथा समन्वय इकाई नवलपरासीका प्रमुख महेन्द्र सुवेदीले बताउनुभयो ।

जिल्लामा कुल १ सय २१ विद्यालय सहभागी हुने परीक्षामा ५७ वटा सामुदायिक विद्यालय, ६२ वटा संस्थागत विद्यालय, एक खुल्ला र एक धार्मिक विद्यालयहरू सहभागी हुने शिक्षा समन्वय इकाई प्रमुख सुवेदीले बताउनुभयो ।

जिल्लाको २३ परीक्षा केन्द्रमध्ये प्राविधिक र २०७८ को पुरानो ग्रेड वृद्धि तर्फको परीक्षाका लागि सरस्वती माध्यमिक विद्यालय रामग्राममा केन्द्र तोकिएको छ।

सातवटा स्थानीय पालिका रहेको जिल्लाका सबै परीक्षा केन्द्रमा प्रश्नपत्र र उत्तरपुस्तिका सहितका सबै सामग्री पुगिसकेको बताइएको छ। आवश्यक सामग्री परीक्षा केन्द्रको नजिकको प्रहरी चौकीमा पुगिसकेको इकाई प्रमुख सुवेदीले बताउनुभयो।