रामग्राम नगरभित्रका सहकारीहरुले प्रभातफेरी गर्दै सहकारी दिवस मनाए

अर्थ - वाणिज्य

Home
अर्थ - वाणिज्य
रामग्राम नगरभित्रका सहकारीहरुले प्रभातफेरी गर्दै सहकारी दिवस मनाए

सहकारी दिवस रामग्राम नगरभित्रका सहकारीहरुले प्रभातफेरी गर्दै सहकारी दिवस मनाए

परासी । रागमग्राम नगरपालिका भित्रका सहकारीहरुले बुधबार प्रभातफेरी गर्दै ६८ औं राष्ट्रिय सहकारी दिवस मनाएका छन् । “मर्यादित सहकारीः समुन्नत समाज” भन्ने नाराका साथ रामग्राम नगरपालिका परिसरबाट शुरु भएको प्रभातफेरी बुद्धचोक, लोकतान्त्रिक चोक हुँदै पुनः बुद्धचोकमा पुगेर समापन गरिएको छ ।

रामग्राम नगरपालिकाको आयोजना र सहकारी सञ्जाल रामग्रामको समन्वय र व्यवस्थापनमा सहकारी दिवस मनाइएको हो । रामग्राम नगरपालिका भित्र ३२ वटा सहकारी छन् । विभिन्न नारासहीतका पम्लेट, ब्यानर र सहकारी सूचना प्रसारण गर्दै उत्सवका रुपमा दिवस मनाइएको छ ।

रामग्राम नगरपालिकाकी उपप्रमुख संझना चौधरीको अध्यक्षतामा भएको प्रभातफेरी पछिको कोण सभामा प्रमुख प्रशासकीय अधिकृत यमबहादुर कुँवर, रामग्राम नगर सहकारी सञ्जालका संयोजक मेघराज गौतम, नगरपालिकाका रोजगार संयोजक सुमन ज्ञवाली लगायतले ६८ औं राष्ट्रिय सहकारी दिवसको शुभकामना ब्यक्त गर्नु भएको थियो ।