लुम्बिनी प्रदेशका १२ जिल्लाका समन्वय प्रमुखहरूको घुम्ति बैठक परासीमा

स्थानीय समाचार

Home
स्थानीय समाचार
लुम्बिनी प्रदेशका १२ जिल्लाका समन्वय प्रमुखहरूको घुम्ति बैठक परासीमा

लुम्बिनी प्रदेशका १२ जिल्लाका समन्वय प्रमुखहरूको घुम्ति बैठक परासीमा

परासी । लुम्बिनी प्रदेशका १२ वटै जिल्लाका समन्वय प्रमुखहरूको घुम्ति बैठक पश्चिम नवलपरासीमा आज सम्पन्न भएको छ ।

जिल्ला समन्वय समिति नवलपरासीका प्रमुख भगौती यादवको अध्यक्षता र जिल्ला समन्वय समिति महासंघ लुम्बिनी प्रदेशका अध्यक्ष एवं गुल्मी जिल्ला समन्वय समितिका प्रमुख दोर्ण खत्रीको प्रमुख आतिथ्यमा बैठक बसेको हो ।

बैठकमा विभिन्न जिल्लाले सम्पन्न गरेका कार्यक्रमहरूको समिक्षा र असल अभ्यासबारे अन्तरक्रिया गरिएको छ । संघीय, प्रादेशिक र स्थानीय तहले सम्पादन गर्ने योजनाको अनुगमनलाई प्रभावकारी बनाउने विषयमा प्रदेशको घुम्ति बैठकमा छलफल गरिएको जिल्ला समन्वय समिति नवलपरासीका प्रमुख भगौती यादवले जानकारी दिनुभयो ।

बैठकमा १२ वटै जिल्लाका समन्वय प्रमुख, उपप्रमुख, सदस्यहरु र समन्वय अधिकारीहरूको उपस्थिति रहेको थियो । घुम्ति बैठकपछि १२ वटै जिल्लाका समन्वय प्रमुखहरूको टोली रामग्राम स्तुपको अवलोकन भ्रमणमा गएको थियो ।