सयपत्री साकोस सुनवलद्वारा रजत बर्षको अवसरमा एक दिने नेतृत्व विकास तालिम

अर्थ - वाणिज्य

Home
अर्थ - वाणिज्य
सयपत्री साकोस सुनवलद्वारा रजत बर्षको अवसरमा एक दिने नेतृत्व विकास तालिम

सयपत्री साकोस सुनवलद्वारा रजत बर्षको अवसरमा एक दिने नेतृत्व विकास तालिम

सुनवल । सयपत्री बचत तथा ऋण सहकारी संस्था लि.सुनवलले रजत बर्ष (२५ बर्ष) को अवसरमा एक दिने नेतृत्व विकास तालिम शनिवार सम्पन्न गरेको छ । सहकारी संस्थाको महिला उपसमिति र शिक्षा उपसमितिको संयुक्त आयोजनामा तालिम सम्पन्न गरिएको हो ।

सहकारी संस्थाकी उपाध्यक्ष एवं महिला उपसमितिकी संयोजक कमला थापाको अध्यक्षता र सुनवल नगरपालिकाकी कार्यपालिका सदस्य भूमिकला शर्माको प्रमुख आतिथ्यमा कार्यक्रम गरिएको हो ।

एक दिने नेतृत्व विकास तालिम कार्यक्रममा ६५ जना महिला शेयर सदस्यहको उपस्थिति रहेको थियो । सो अवसरमा संस्थाका अध्यक्ष कृष्णबन्धु अर्याल, पूर्व अध्यक्ष कृष्णप्रसाद पौडेल, शिक्षा उपसमितिका संयोजक ज्ञानुप्रसाद पौडेल लगायतले शुभकामना व्यक्त गर्नु भएको छ ।

तालिम कार्यक्रममा सहकारी संस्थामा महिला सहभागिता, नेतृत्व विकास र उत्प्रेरणा सम्बन्धी प्रशिक्षण प्रदान गरिएको छ । तालिममा सामुदायिक रेडियो परासी ९०.२ मेगाहर्जका प्रवन्ध निर्देशक मेघराज गौतमले सहजिकरण गर्नु भएको कार्यक्रम सञ्चालक एवं महिला उपसमितिकी सदस्य राधा सापकोटाले जानकारी दिनुभयो ।