शिक्षक आन्दोलनका क्रममा पत्रकार कार्की घाइते, झडपका क्रममा आँखामा चोट

राजनीति

Home
राजनीति
शिक्षक आन्दोलनका क्रममा पत्रकार कार्की घाइते, झडपका क्रममा आँखामा चोट

शिक्षक आन्दोलनका क्रममा पत्रकार कार्की घाइते, झडपका क्रममा आँखामा चोट

काठमाडौँ । नेपाल शिक्षक महासङ्घको काठमाडौँ केन्द्रित आन्दोलनले आज उग्ररुप लिएको छ। शिक्षकहरूले निषेधित क्षेत्र तोड्ने प्रयास गरेपछि प्रहरीद्वारा फ्याँकिएको पानीको फोहरा लागेर प्राइम टेलिभिजनमा कार्यरत पत्रकार सबिना कार्की गम्भीर घाइते हुनुभएको छ।

पत्रकार कार्की रिपोर्टिङको क्रममा बिजुली बजार पुग्नुभएको थियो। प्रहरीका अनुसार उहाँको दुईवटै आँखामा गम्भीर चोट लागेको छ।

पत्रकार कार्कीको तिलगंगा आँखा अस्पतालमा आँखा परीक्षण भएको हो, प्रारम्भिक परीक्षणका क्रममा आँखाको दृष्टि नघुमेको डाक्टरहरूले बताएका छन्। उपचारमा संलग्न डाक्टर शिवान्शी श्रेष्ठका अनुसार चोटका कारण आँखाको भित्री पर्दा देख्न नसकिएको ले चोट कस्तो छ भने यकिन गर्न नसकेको बताउनुभएको छ। चोटका कारण आँखा सुन्निएको अवस्थामा रहेकोले कम भएपछि मात्रै सर्जरीको प्रक्रिया अघि बढ्ने डाक्टर श्रेष्ठले सञ्चारकर्मीहरूलाई जानकारी दिनुभएको हो।

यसैबीच नेपाल पत्रकार महासङ्घ लगायतका अन्य संघ संगठनहरूले पत्रकार कार्कीको शीघ्र स्वास्थ्य लाभको कामना गर्दै दोषी माथि कडाभन्दा कडा कानुनी कारबाही गर्न, घाइते पत्रकार कार्कीको उपचारको व्यवस्था मिलाउन र क्षतिपूर्तिका लागि माग गरिएको छ।

शिक्षकहरू गएको चैत्र २० गतेदेखि काठमाडौँ केन्द्रित आन्दोलन मा छन् ।

प्रकाशित मिति: आइतबार, वैशाख १४, २०८२ १७:११

प्रतिक्रिया दिनुहोस्