लुम्बिनीमा वैशाख २९ गते २५६९ औ बुद्ध जयन्तीको तयारी

पर्यटन

Home
पर्यटन
लुम्बिनीमा वैशाख २९ गते २५६९ औ बुद्ध जयन्तीको तयारी

लुम्बिनीमा वैशाख २९ गते २५६९ औ बुद्ध जयन्तीको तयारी

लुम्बिनी। भगवान गौतम बुद्धको पावन भूमि तथा विश्व सम्पदास्थल लुम्बिनीमा २५६९ औ बुद्ध जयन्ती एवं लुम्बिनी दिवस मनाउने तयारी भएको छ । प्रधानमन्त्री केपी शर्मा ओलीबाट समद्घाटन हुने तयारी भएको बताइएको छ ।

वैशाख २९ गते सोमबार २५६९ औँ बुद्ध जयन्ती मनाउने तयारी भएको लुम्बिनी विकास कोषले जनाएको हो। बुद्ध जयन्तीको तयारीका लागि लुम्बिनी विकास कोषका उपाध्यक्ष डा. ल्यारक्याल लामाको संयोजकत्वमा ५७० सदस्य मूल समारोह गठन गरिएको छ।

दिवसको अवसरमा वैशाख २९ गते बिहान ७ बजेदेखि मायादेवी मन्दिर परिसरबाट शोभा यात्रा सुरु गरिने कार्यक्रम तय भएको छ । यस्तै शोभा यात्रा पछि बिहान ९ बजे अन्तर्राष्ट्रिय बौद्ध सम्मेलन तथा ध्यान केन्द्र लुम्बिनीमा मूल समारोह हुने जनाइएको छ ।

लुम्बिनी विकास कोषले आयोजना गरेको लुम्बिनी दिवस २०८२ लाई भव्य सभ्य रूपमा सम्पन्न गर्न लुम्बिनी क्षेत्र का विभिन्न पालिकाहरुमा परिपत्र समेत गरिएको छ।

यस्तै विभिन्न आमसंचार माध्यम मार्फत सूचना तथा सन्देश प्रसारण गरी लुम्बिनीमा हुने कार्यक्रममा उपस्थितिका लागि आम नागरिकलाई समेत आह्वान गरिएको कोषले जनाएको हो ।

प्रकाशित मिति: बुधबार, वैशाख २४, २०८२ १६:२३

प्रतिक्रिया दिनुहोस्