आमसंचारमाध्यम जनताको विश्वसनीय क्षेत्र भएकोले नागरिकले सूचना पाइएन भन्ने अवस्था आउन नदिन रामग्राम नगरपालिकाका नगरप्रमुख धनपत यादवले ध्यानाकर्षण गराउनु भएको छ । नगरले चालु आ.ब.मा महत्वपूर्ण योजनाहरु सार्वजनिक गरेको तर जनताको सहज पहुँचमा पुर्याउन नसकिएको प्रति चिन्ता व्यक्त गर्नु भयो ।
विहिवार एक कार्यक्रममा नगरप्रमुख यादवले यस्तो धारणा व्यक्त गर्नु भएको थियो । नगर विकासका गतिविधिमा संचार क्षेत्रको भूमिका भन्ने विषयमा भएको अन्तरक्रियात्मक कार्यक्रममा नगरप्रमुख यादवले स्थानीय तहको विकास निर्माण र सेवा प्रवाहको काममा पत्रकारिता जगत सहयोगी वन्नु पर्ने धारणा राख्नु भएको हो ।
सो अवसरमा रामग्राम नगरपालिका पुर्वाधार विकास महाशाखा प्रमुख सतिश गुप्ताले संघिय सरकार, प्रदेश सरकार र स्थानिय सरकारबाट विनियोचित बजेट र भईरहेको विकास निर्माणका बारेमा जानकारी दिनुभएको थियो । उहाँले, चालु आर्थिक वर्षमा नगरस्तरिय २ सय ९० वटा योजना रहेको र वडा स्तरिय ३ सय १८ वटा योजना छनौट गरी कार्यान्वयन प्रक्रियामा रहेको बताउनु भएको छ ।
वहाँले चालु आ.ब.मा ६ सय ८ वटा योजना पुँजीगततर्फ रहेको साथै पुँजीगत तर्फ ६५ करोड ९५ लाखको योजना छनौट भएको बताउँदै २ सय योजना सम्झौता भईसकेका जानकारी दिनु भयो । साथै उपभोक्ता मार्फत ७९ वटा छनौट भएकोमा २० वटा योजना सम्पन्न गरिसकिएको छ भने टेण्डर मार्फत हुने योजनामा ५४ वटा प्रक्रियामा रहेको तथ्याङ्क प्रस्तुत गर्नुभएको थियाे ।
कार्यक्रम नेपाल पत्रकार महासंघ नवलपरासी जिल्लाका अध्यक्ष हरिशर्माको अध्यक्षतामा भएको हो भने सो अवसरमा पूर्व अध्यक्ष टिकाराम गैरे, उपाध्यक्ष अनिल यादव र सदस्य विकास अधिकारी लगायतले बोल्नु भएको थियो ।
यसैवीच रामग्राममा सहकारी सस्थाकाे क्षमता विकास तालिम शुरु
रामग्राम नगरपालिका भित्रका विभिन्न विषयगत सहकारीहरुलाई लक्षित गरी क्षमता विकास तालिम शनिवार देखि शुरु भएको छ । आगामी तीन दिन सम्म संचालन हुने तालिममा सहकारी संस्थाका अध्यक्ष, व्यवस्थाक तथा लेखा राख्ने कर्मचारीलाई सहभागी वनाइएको सहकारी फोकल पर्सन रामशुवास गुप्ताले जानकारी दिनु भयो ।
तालिममा सहकारी केहो, सहकारी संस्थाहरु संचालन गर्दा ध्यान दिन पर्ने नीति नियमहरु, संचालकहरुको काम कर्तव्य र अधिकार, सहकारी मूल्य मान्यता तथा सिद्धान्तको व्यवहारीक प्रयोग जस्ता विषयमा तालिम संचालन गरिने वताइएको छ । साथै सहकारीलाई पारदर्शी र व्यवस्थित वनाउन कोपोमिक्स सम्पन्धी तालिम पनि संचालन गरिने भएको हो । हाल रामग्राममा ३० वढी सहकारी संस्थाहरु दर्ता भई कार्यरत छन् । तालिमको सहजिकरण छत्र धमलाले गर्नु भएको छ ।
