सरावलमा भष्ट्राचार र सुशासन प्रवद्र्धन सम्बन्धी अन्तक्रिया, काममा चित्त नबुझे खुलस्त प्रश्न राख्न अध्यक्ष चौधरीको आग्रह

स्थानीय सरकार

Home
स्थानीय सरकार
सरावलमा भष्ट्राचार र सुशासन प्रवद्र्धन सम्बन्धी अन्तक्रिया, काममा चित्त नबुझे खुलस्त प्रश्न राख्न अध्यक्ष चौधरीको आग्रह

सरावलमा भष्ट्राचार र सुशासन प्रवद्र्धन सम्बन्धी अन्तक्रिया, काममा चित्त नबुझे खुलस्त प्रश्न राख्न अध्यक्ष चौधरीको आग्रह

परासी । भष्ट्राचार नियन्त्रण र सुशासन प्रवद्र्धन सम्बन्धी स्थानीय तह स्तरीय अन्तरक्रिया कार्यक्रम आज सरावल गाउँपालिकामा सम्पन्न भएको छ । अख्तियार दुरुपयोग अनुसन्धान आयोगको कार्यालय बुटवलको आयोजनामा कार्यक्रम गरिएको हो ।

अख्तियार दुरुपयोग अनुसन्धान आयोग बुटवलका प्रमुख विनिता भट्टराईको अध्यक्षता र सरावल गाउँपालिकाका अध्यक्ष सुखाडीप्रसाद चौधरीको प्रमुख आतिथ्यमा कार्यक्रम गरिएको छ ।

कार्यक्रममा अध्यक्ष चौधरीले सरावल गाउँपालिकाले प्रवाह गरेको सेवा प्रवाह र विकास निर्माण चित्त बुझ्दो नभए खुलस्त रुपमा प्रश्न गर्न आह्वान समेत गर्नुभएको छ । कार्यक्रममा गाउँपालिकाका प्रमुख प्रशासकीय अधिकृत विशाल मिश्राले अख्तियार दुरुपयोग अनुसन्धान आयोगले राखेको कार्यक्रमले नजानेर हुने भूलको बारेमा जानकारी प्राप्त भएको र आगामी दिनमा पालिकाले गर्ने कार्य सम्पादनमा पूर्णतया सुशासन कायम गर्ने प्रतिबद्धता व्यक्त गर्नुभएको छ ।

अन्तरक्रिया कार्यक्रममा विभिन्न संघसंस्थामा आबद्ध नागरिकहरूले अख्तियार दुरुपयोग अनुसन्धान कार्यालय बुटवल र सरावल गाउँपालिकालाई विभिन्न प्रश्नहरु राखेका छन् । उनीहरूले पालिका स्तरमा हुने भष्ट्राचार अन्त्य गर्न र सुशासन कायम गर्न सक्रियता बढाउनुपर्नेमा जोड दिएका थिए ।