प्रेस चौतारी नेपालद्वारा गणतन्त्रको अपरिहार्यता विषय अन्तरक्रिया

राजनीति

Home
राजनीति
प्रेस चौतारी नेपालद्वारा गणतन्त्रको अपरिहार्यता विषय अन्तरक्रिया

प्रेस चौतारी नेपालद्वारा गणतन्त्रको अपरिहार्यता विषय अन्तरक्रिया

परासी । प्रेस चौतारी नेपाल, नवलपरासीले बिहिवार गणतन्त्र दिवसको अवसरमा गणतन्त्रको अपरिहार्यता विषयक अन्तरक्रिया कार्यक्रम परासीमा सम्पन्न गरेको छ ।

संस्थाका अध्यक्ष गौरीशंकर जयसवालको अध्यक्षता र नेकपा एमालेका केन्द्रीय सदस्य एवं नवलपुर जिल्लाका पार्टी इन्चार्ज तिलक महतको प्रमुख आतिथ्यतामा अन्तरक्रिया कार्यक्रम गरिएको हो । सो अवसरमा बोल्दै प्रमुख अतिथि महतले गणतन्त्र जनताको शासन व्यवस्था भएको बताउँदै गणतन्त्रको विकल्पमा अन्य व्यवस्था हुन नसक्ने बताउनु भयो । उहाँले राजावादीको आन्दोलन प्रति लक्षित गर्दै देशलाई निरंकुशता तर्फ लैजाने प्रयास असफल हुने बताउनु भयो ।

कार्यक्रममा नेकपा एमाले स्कुल विभागका केन्द्रीय सदस्य बद्रीनाथ खनालले गणतन्त्र र यसका उपलब्धी विषयक कार्यपत्र प्रस्तुत गर्नुभएको थियो ।

कार्यक्रममा नेकपा एमाले जिल्ला अध्यक्ष दिपेन्द्र कुमार अधिकारी, नेपाल बुद्धिजीवी परिषदकाका केन्द्रीय सदस्य सुमनगोपाल आचार्य, नेपाल पत्रकार महासंघका जिल्ला अध्यक्ष केसव पराजुली, नेपाल प्रेस युनियनका अध्यक्ष उमेशकुमार वि.क, प्रेस चौतारीका उपाध्यक्ष सुरेश यादव लगायतले गणतन्त्रको अपरिहार्यता बारे बोल्नु भएको प्रेस चौतारी नेपालकी जिल्ला सचिव कल्पना खरेलले जानकारी दिनुभयो ।

आज गणतन्त्र दिवसको अवसरमा प्रेस चौतारी नेपालका देशभरका ७७ वटै जिल्ला शाखाहरूले विभिन्न कार्यक्रम गरी गणतन्त्र दिवस मनाएका छन् ।

प्रकाशित मिति: बिहीबार, जेठ १५, २०८२ १५:५०

प्रतिक्रिया दिनुहोस्