वातावरण दिवसमा एन्जेल्सद्वारा चित्रकला प्रतियोगिता

स्थानीय समाचार

Home
स्थानीय समाचार
वातावरण दिवसमा एन्जेल्सद्वारा चित्रकला प्रतियोगिता

वातावरण दिवसमा एन्जेल्सद्वारा चित्रकला प्रतियोगिता

परासी । विश्व वातावरण दिवसको अवसर पारेर बिहिबार लिटिल एन्जल्स उच्च माध्यमिक विद्यालय परासीले वातावरण, खानेपानी र सरसफाई शीर्षकमा चित्रकला प्रतियोगिता, वृक्षारोपण र अनुशिक्षण कार्यक्रम सम्पन्न गरेको छ।

चित्रकला प्रतियोगितामा विद्यालयका ३० जना छात्र छात्राहरूले सहभागिता जनाएका छन्। सहभागी ३० जना विद्यार्थीहरूले वातावरण संरक्षण र खानेपानी तथा सरसफाईको क्षेत्रमा ध्यान दिनुपर्ने कुराहरूलाई महत्व दिँदै आफ्नो कला प्रस्तुत गरेको विद्यालयले जनाएको छ। उनीहरूले चित्रमार्फत वातावरणको संरक्षण र सरसफाईलाई महत्त्व दिनुपर्ने कुरामा जोड दिएका हुन्।

सो क्रममा विद्यालयका प्रधानाध्यापक सुमन गोपाल आचार्यले विद्यालयको वातावरण र सरसफाईका लागि सबै मिलेर काम गर्नुपर्नेमा जोड दिनुभयो

कार्यक्रममा सामुदायिक रेडियो परासी ९० दशमलव २ मेगाहर्जका प्रबन्ध निर्देशक मेघराज गौतमले विश्व वातावरण दिवस र सामुदायिक रेडियो परासीले चालेको राष्ट्रिय सरसफाई सप्ताह विषयमा प्रकाश पार्नुभएको थियो।

कार्यक्रममा रोटरी क्लब अफ नवलपरासीका अध्यक्ष सुनिल कसौधन, विद्यालयका प्रधानाध्यापक आचार्य, शिक्षक अभिभावक र विद्यार्थीहरूको सहभागिता रहेको विद्यालयका सहायक प्रधानाध्यापक गोविन्द न्यौपानेले नेपाली चेलीलाई जानकारी दिनुभयो ।

प्रकाशित मिति: बिहीबार, जेठ २२, २०८२ १८:२५

प्रतिक्रिया दिनुहोस्