सात वटै प्रदेशमा आइतबार आगामी आर्थिक बर्ष २०८२/०८३ को बजेट प्रस्तुत हुँदै

राजनीति

Home
राजनीति
सात वटै प्रदेशमा आइतबार आगामी आर्थिक बर्ष २०८२/०८३ को बजेट प्रस्तुत हुँदै

सात वटै प्रदेशमा आइतबार आगामी आर्थिक बर्ष २०८२/०८३ को बजेट प्रस्तुत हुँदै

परासी । आइतबार आज सात वटै प्रदेशले आगामी आर्थिक बर्षको बजेट सार्वजनिक गर्दै छन् । संवैधानिक व्यवस्थाअनुसार सात वटै प्रदेश सरकारले आगामी आर्थिक वर्ष २०८२÷०८३ को बजेट प्रस्तुत गर्न लागेका हुन् ।

संविधानले प्रदेश सरकारले हरेक वर्ष असार १ गते बजेट सार्वजनिक गर्नुपर्ने अनिवार्य व्यवस्था गरेको छ । केन्द्र सरकारले जेठ १५ मा, प्रदेश सरकारले असार १ गते र स्थानीय सरकारले असार १० गते बजेट सार्वजनिक गर्नुपर्ने संवैधानिक प्रावधान नै रहेको छ ।

संघीय सरकारले प्रदेशलाई तोकेको वित्तीय अनुदान, राजस्व बाँडफाँट र रोयल्टी निर्धारण अनुरूप ती स्रोतमा आधारित भएर सात वटै प्रदेशका अर्थमन्त्रीहरूले प्रदेश सभामा बजेट पेश लागेका हुन् ।
लुम्बिनी प्रदेशले दिउँसो ३ बजे बस्ने प्रदेश सभाको तेह्रौं बैठकमा आर्थिक मामिला तथा योजना मन्त्री धनेन्द्र कार्कीले राजश्व र व्ययको वार्षिक अनुमान प्रदेश सभामा प्रस्तुत गर्ने सम्भावीत कार्यसूचीमा समावेश गरिएको छ ।सरकारले यस वर्षको बजेटमा प्रदेशको समृद्धि र विकाससँग जोडिएका मुख्य क्षेत्रहरूलाई प्राथमिकतामा राखेको छ ।