नवलपरासीका ७ वटै स्थानीय सरकारद्वारा आगामी बर्षकाे बजेट सार्वजनिकः कुन पालिकाको कति बजेट

स्थानीय सरकार

Home
स्थानीय सरकार
नवलपरासीका ७ वटै स्थानीय सरकारद्वारा आगामी बर्षकाे बजेट सार्वजनिकः कुन पालिकाको कति बजेट

नवलपरासीका ७ वटै स्थानीय सरकारद्वारा आगामी बर्षकाे बजेट सार्वजनिकः कुन पालिकाको कति बजेट

परासी । नवलपरासीका सातै स्थानीय तहहरूले आर्थिक बर्ष २०८२।०८३ को नीति, कार्यक्रम र बजेट सार्वजनिक गरेका छन् । ७ वटै स्थानीय सरकारहरूले आगामी आर्थिक बर्षमा ५ अर्ब ६६ करोड ४८ लाख ९८ हजार ४ सयको बजेट सार्वजनिक गरेका हुन् । सवै स्थानीय तहहरूले स्वास्थ्य, शिक्षा, कृषि र पूर्वाधारलाई प्राथमिकता दिएको जनाएका छन् ।

तीन वटा नगरपालिका मध्ये रामग्राम नगरपालिकाले सबैभन्दा वढी बजेट सार्वजनिक गरेको छ । रामग्राम नगरपालिकाले १ अर्ब ३१ करोडको बजेट सार्वजनिक गरेको हो । यस्तै सुनवल नगरपालिकाले ९९ करोड ९८ लाखको बजेट ल्याउँदा बर्दघाट नगरपालिकाले भने ९७ करोड ७२ लाखको बजेट सार्वजनिक गरेको छ ।

चार वटा गाउँपालिका रहेको नवलपरासी जिल्लामा आगामी आर्थिक बर्षमा सबैभन्दा बढी बजेट प्रतापपुर गाउँपालिकाले ल्याएको छ । प्रतापपुर गाउँपालिकाले आगामी आर्थिक बर्षको लागि ७६ करोड ३९ लाख ६७ हजारको बजेट सार्वजनिक गरेको छ ।

यस्तै सुस्ता गाउँपालिकाले ५४ करोड ९३ लाख १८ हजार ४ सयको बजेट ल्याएको छ । यस्तै सरावल गाउँपालिकाले आगामी आर्थिक बर्षकालागि ५३ करोड ३५ लाख र पाल्हीनन्दन गाउँपालिकाले ५३ करोड ११ लाख १३ हजारको बजेट सार्वजनिक गरेका छन् ।

प्रकाशित मिति: बुधबार, असार ११, २०८२ ०७:५५

प्रतिक्रिया दिनुहोस्