परासीमा सार्वजनिक सुनवाई: जनप्रतिनिधि र राष्ट्रसेवकलाई नागरिकप्रति जवाफदेही बन्न सरोकारवालाहरूको जोड

स्थानीय समाचार

Home
स्थानीय समाचार
परासीमा सार्वजनिक सुनवाई: जनप्रतिनिधि र राष्ट्रसेवकलाई नागरिकप्रति जवाफदेही बन्न सरोकारवालाहरूको जोड

परासीमा सार्वजनिक सुनवाई: जनप्रतिनिधि र राष्ट्रसेवकलाई नागरिकप्रति जवाफदेही बन्न सरोकारवालाहरूको जोड

परासी। नवलपरासी जिल्लाका बहुसरोकारवालाको पारदर्शिता, जवाफदेहिता र सेवा प्रवाहमा सुशासन विषय अन्तरक्रिया तथा सार्वजनिक सुनवाई कार्यक्रम बुधबार परासीमा सम्पन्न भएको छ ।

जिल्ला प्रशासन कार्यालय नवलपरासीको आयोजना, भ्रष्टाचार विरुद्धको नागरिक निगरानी समूह जिल्ला समितिको सहआयोजना र अख्तियार दुरुपयोग अनुसन्धान कार्यालय बुटवलको सहयोगमा सार्वजनिक सुनवाई कार्यक्रम गरिएको हो।

कार्यक्रममा सहभागीहरूले जनप्रतिनिधिहरू र राष्ट्रसेवकहरूलाई नागरिकहरूप्रति जवाफदेही हुन आग्रह गरेका छन्। उनीहरूले बढ्दै गइरहेको भ्रष्टाचार अनियमितता, गैर जिम्मेवारपन, स्रोतको चरम दुरुपयोग जस्ता विषयहरू गम्भीरताका साथ उठाएका थिए।

सो अवसरमा सहभागीहरूले उठाएका प्रश्नहरूको जवाफ पालिकाका प्रमुख एवं प्रतिनिधिहरू र नवलपरासी जिल्लाका प्रहरी उपरीक्षक अनुपम श्रेष्ठले दिनुभएको थियो

त्यसअघि कार्यक्रममा भ्रष्टाचार विरुद्धको नागरिक निगरानी संस्थाका जिल्ला अध्यक्ष रामजीप्रसाद ज्ञवालीले कार्यपत्र प्रस्तुत गर्नुभएको संस्थाका सचिव रमेश भुसालले जानकारी दिनुभयो ।

कार्यक्रम नवलपरासी जिल्लाका प्रमुख जिल्ला अधिकारी हिरालाल रेग्मीको अध्यक्षतामा र लुम्बिनी प्रदेश सभाका सांसद बैजनाथ कलवारको प्रमुख आतिथ्यमा भएको हो। ‌ सार्वजनिक सुनवाई कार्यक्रममा जिल्ला समन्वय समिति नवलपरासीका प्रमुख भगवती प्रसाद यादव रुदल लगायतले बोल्नुभएको सहायक प्रमुख जिल्ला अधिकारी एवं सूचना अधिकारी पोषणराज भण्डारीले नेपाली चेलीलाई बताउनुभयो ।

प्रकाशित मिति: बिहीबार, असार १२, २०८२ ०५:३७

प्रतिक्रिया दिनुहोस्