नागरिक निगरानी संस्था पश्चिम नवलपरासीको अध्यक्षमा समाजसेवी रामजी ज्ञवाली सर्वसम्मत चयन हुनु भएको छ । जसको उपाध्यक्षमा बाबुराम खड्का, सचिवमा रमेश भुषाल, सहसचिवमा श्याम बुचाँ मगर, कोषाध्यक्षमा पुष्पा चौधरी, सदस्यहरुमा अनामिका सिंह सैथवार, केदारनाथ पाण्डे, नारायण पराजुली र सुर्यनाथ दास पटेल रहनु भएको छ ।
सो क्रममा प्रमुख जिल्ला अधिकारी विश्व प्रकाश अर्याल, जिल्ला प्रहरी कार्यालयका निमित्त प्रमुख भोजराज पाण्डेय, नेपाल पत्रकार महासंघ नवलपरासीका अध्यक्ष हरि शर्मा, निगरानी संस्थाका उपाध्यक्ष बाबुराम खड्का लगाएतले बोल्नुभएको थियो ।
कार्यक्रममा संस्थापक अध्यक्ष कैलाश ठाकुले संस्थाको ८ महिनाको कार्यविवरण र आगामि कार्ययोजना प्रस्तुत गर्नुभएको थियो भने सदस्य रामजी ज्ञवालीलले आर्थिक प्रतिवेदन प्रस्तुत गर्नुभएको थियो ।
भ्रष्ट्राचार विरुद्ध अख्तियारकै रोहवरमा काम गर्ने नागरिक निगरानी संस्थाको प्रथम साधरण सभा तथा अधिवेशनमा चालु आर्थिक वर्षमा नवलपरासीबाट अख्तियारमा परेका उजुरीबारे जानकारी गराइएको थियो । सो अवसरमा चालु आर्थिक वर्षको पुस मसान्तसम्म भ्रष्ट्राचार विरुद्ध ४३ ओटा उजुरी अख्तियार दुरुपयोग अनुसन्धान आयोगमा परेका छन् । सो कुरा अख्तियार दुरुपयोग अनुसन्धान आयोग बुटवलका उपसचिव रामकृष्ण अधिकारीले जानकारी दिनुभएको हो । उहाँले गतबर्ष फर्छौट हुन बाँकि १७ सहित हाल सम्म ६० ओटा उजुरी माथि अख्तियारले छानविन गरिरहेको वताउनु भएको छ ।
ति मध्ये २९ ओटा फछ्यौट भईसकेका छन् भने ३१ ओटा अनुसन्धानकै क्रममा रहेका छन् । भ्रष्ट्राचार विरुद्धका उजुरी मध्ये सबैभन्दा बढि स्थानिय तहका छन् । स्थानिय सरकारका विभिन्न क्षेत्रसंग सम्बन्धित गत वर्ष समेतका ४५ उजुरी मध्ये २२ ओटा फछ्यौट भईसकेका छन् । भने बाँकि माथि कारवाहि भईरहेको छ ।
यस्तै प्रदेश सरकारका कामसंग सम्बन्धित ६ र संघिय सरकारसंग सम्बन्धित ९ ओटा उजुरी नवलपरासीबाट अख्तियार कार्यालयमा परेको उपसचिव अधिकारीले बताउनु भयो ।
