सामुदायिक रेडियो परासीद्वारा “शून्य फोहर अभियान”को शुभारम्भ

स्थानीय समाचार

Home
स्थानीय समाचार
सामुदायिक रेडियो परासीद्वारा “शून्य फोहर अभियान”को शुभारम्भ

सामुदायिक रेडियो परासीद्वारा “शून्य फोहर अभियान”को शुभारम्भ

परासी । सामुदायिक रेडियो परासी ९०.२ मेगाहर्जले आइतबार एक कार्यक्रमको आयोजना गरी “शून्य फोहर अभियान” को शुभारम्भ गरेको छ । विगत ११ बर्षदेखि खानेपानी र सरसफाईको क्षेत्रमा विभिन्न कार्यक्रमहरू सञ्चालन गर्दै आएको रेडियोले वातावरणमैत्री गाउँ, नगर र शहर बनाउने उद्देश्यले रेडियो कार्यक्रम मार्फत सचेतना जगाउन “शून्य फोहर अभियान” शुरु गरेको अध्यक्ष राजकुमार रेश्मीले जानकारी दिनु भयो ।

कार्यक्रममा रामग्राम नगरपालिकाका नगरप्रमुख धनपत यादवले अभियानमा एक्यवद्धता जनाउँदै हस्ताक्षर गरेर अभियानको शुभारम्भ गर्नु भएको छ । सो अवसरमा नगरप्रमुख यादवले शून्य फोहर अभियान आम नगरवासीको आफ्नै कार्यक्रम भएको भन्दै स्वस्थ्य रहन र वातावरण स्वच्छ बनाउन सबैले हातेमालो गर्नु पर्नेमा जोड दिनुभयो । उहाँले नगरपालिकाले नागरिकको शुद्ध पानी पिउन पाउने अधिकार सुनिश्चित गर्न काम गरिरहेको बताउनु भयो ।

शून्य फोहर अभियानका सन्दर्भमा खानेपानी तथा सरसफाई लुम्बिनी प्रदेशका अध्यक्ष थानप्रसाद गैरे, खानेपानी र सरसफाई कार्यालय नवलपरासीका इन्जिनियर प्रकाश न्यौपाने, स्वास्थ्य कार्यालय प्रमुख अंगदबहादुर शाही, नेपाल पत्रकार महासंघ नवलपरासीका अध्यक्ष केशव पराजुली, राष्ट्रिय लोक भजन चुड्का संस्कृति संरक्षण प्रतिष्ठान सुनवलका अध्यक्ष रमेश तिवारी, रेडियोका उपाध्यक्ष नगेन्द्र अग्रहरी, सचिव तोरेन्द्र जिसी लगायतले पूर्ण सरसफाईमा आफ्नो प्रतिवद्धता व्यक्त गर्नु भएको छ ।

कार्यक्रममा उपस्थित ६० जना सहभागिहरूले सरसफाईका क्षेत्रमा आनिवानीमा परिवर्तन ल्याउने र वातावरणमैत्री अभियानमा सहकार्य गर्ने भन्दै एक्यवद्धता जनाएका छन् । आगामी दिनमा अभियानलाई सफल र प्रभावकारी बनाउन विभिन्न सरोकारवाला निकायहरूसँग सहकार्य गर्ने सामुदायिक रेडियो परासीका प्रबन्ध निर्देशक मेघराज गौतमले जानकारी दिनु भयो ।

प्रकाशित मिति: आइतबार, असार १५, २०८२ १५:४६

प्रतिक्रिया दिनुहोस्