६८ वर्षीया कुमारी महतो ह्विल चेेयरमा

स्थानीय समाचार

Home
स्थानीय समाचार
६८ वर्षीया कुमारी महतो ह्विल चेेयरमा

६८ वर्षीया कुमारी महतो ह्विल चेेयरमा

परासी । रामग्राम नगरपालिका वडा नम्बर १८ धरमपुर निवासी ६८ वर्षीया कुमारी महतो ह्विल चेयरमा हिडडुल गर्न थाल्नुभएको छ । रोटरी क्लब अफ नवलपरासीले महतोलाई ह्विल चेयर प्रदान गरेपछि उहाँ ह्विल चेेयरमा हिँडडुल गर्न थाल्नुभएको हो।

कुमारी महतो तीन वर्षअघि रुख ढलेर खुट्टामा चोट लागेपछि हिडडुल गर्न असमर्थ हुँदै आउनुभएको थियो । "आर्थिक अभावका कारण ह्विल चेयर खरिद गर्न सकिएन । " उहाँ भन्नुहुन्छ ।

महतोको समस्यालाई मध्यनजर गर्दै रोटरी क्लब अफ नवलपरासीले ह्विलचेयर हस्तान्तरण गरेको क्लबका संस्थापक अध्यक्ष सुमनगोपाल आचार्यले बताउनु भयो ।

रोटरी क्लब अफ नवलपरासी वर्ष २०२५।०२६ कि अध्यक्ष उर्मिला बानिया, पूर्व अध्यक्ष बिरेन्द्र अग्रहरी , प्रभिता आचार्य, शीतल कुँवर लगायतले कुमारी महतोको शीघ्र स्वास्थ्य लाभको कामना गर्नुभएको छ।

यसअघि साउन १ गते क्लबले रामग्राम, सुनवल, सरावल र पाल्हीनन्दनका अपाङ्गता भएका सात जनालाई ह्विल चेयर वितरण गरेको क्लबकी अध्यक्ष बानियाले बताउनुभयो ।

प्रकाशित मिति: मंगलबार, साउन ६, २०८२ २०:१५

प्रतिक्रिया दिनुहोस्