बर्दघाट नगरपालिका विद्यार्थी, विपन्न र जेष्ठ नागरिकमैत्री बन्दै

स्थानीय सरकार

Home
स्थानीय सरकार
बर्दघाट नगरपालिका विद्यार्थी, विपन्न र जेष्ठ नागरिकमैत्री बन्दै

बर्दघाट नगरपालिका विद्यार्थी, विपन्न र जेष्ठ नागरिकमैत्री बन्दै

परासी । नवलपरासीको बर्दघाट नगरपालिकाले विद्यार्थी केन्द्रित कार्यक्रम लागू गर्ने भएको छ। नगरपालिकाले नगर भित्रका सामुदायिक विद्यालयमा हुन सक्ने सम्भावित दुर्घटनाको जोखिमलाई मध्यनजर गर्दै राहतकोषको स्थापना गरेको हो।

चालु आर्थिक वर्ष २०८२। २०८३ मा कुल १० लाखको राहत कोषको स्थापना गरिएको नगर प्रमुख शम्भुलाल श्रेष्ठले जानकारी दिनुभयो।

विद्यालयको समयमा कुनै पनि विद्यार्थीलाई चोटपटक लागे वा दुर्घटनामा परे राहत स्वरूप अधिकतम १ लाखसम्मको सहयोग उपलब्ध गराइने नगरपालिकाले जनाएको छ। राहतका लागि सम्बन्धित विद्यालयको सिफारिस भने अनिवार्य गरिएको छ।

नगरपालिकाले नगरभित्रका अपाङ्गता, अति विपन्न र ज्येष्ठ नागरिकहरुलाई पालिकाभित्रका दुईवटा अस्पतालबाट निःशुल्क ल्याब परीक्षण गराउने व्यवस्था गरेको छ। नगरपालिकाले चिसापानी अस्पताल र सहिद स्मृति सामुदायिक अस्पताल चौपत्तामा निःशुल्क परीक्षण गरिने जनाएको हो। सोका लागि १५ लाख रुपैयाँ बजेट विनियोजन भएको नगरपालिकाका प्रमुख प्रशासकीय अधिकृत प्रकाश खनालले बताउनुभयो । यस्तै नगरपालिकाले निःशुल्क आँखा परीक्षण र मोतिया बिन्दुको शल्यक्रियाका लागि पाँच लाख रुपैयाँ विनियोजन गरेको जनाएको छ।

प्रकाशित मिति: शुक्रबार, साउन २३, २०८२ ०६:३६

प्रतिक्रिया दिनुहोस्