जहदा पुस्तकालयद्वारा निबन्ध लेखन प्रतियोगिता सम्पन्न

स्थानीय सेरोफेरो

Home
स्थानीय सेरोफेरो
जहदा पुस्तकालयद्वारा निबन्ध लेखन प्रतियोगिता सम्पन्न

१८ औं पुस्तकालय दिवस २०८२ जहदा पुस्तकालयद्वारा निबन्ध लेखन प्रतियोगिता सम्पन्न

परासी । नवलपरासीको बर्दघाट नगरपालिका जहदामा आइतबार १८ औं पुस्तकालय दिवस २०८२ मनाइएको छ । जहदा सामुदायिक पुस्तकालय तथा श्रोत केन्द्रको आयोजनामा निबन्ध लेखन प्रतियोगिता गरी पुस्तकालय दिवस मनाइएको हो ।

पुस्तकालयका अध्यक्ष सुरज केसीको अध्यक्षता र बर्दघाट नगरपालिकका नगरप्रमुख शम्भुलाल श्रेष्ठको प्रमुख आतिथ्यमा निबन्ध लेखन प्रतियोगिता गरिएको हो ।

प्रतियोगितामा बर्दघाट नगरपालिका बडा नं. १२ र १३ का विभिन्न विद्यालयका ७ जना विद्यार्थीहरू सहभागी भएका थिए । निबन्ध प्रतियोगितामा दुर्गा आधारभूत विद्यालय बर्दघाट १३ का मन्जित बानिया प्रथम, नित्यानन्द रत्नकुमारी मा.वि बर्दघाट १२ की अञ्जली रौनियार द्वितीय र नित्यानन्द रत्नकुमारी विद्यालयकै बिहानी कोइराला तृतीय स्थान प्राप्त गर्न सफल भएका हुन । सफल प्रतियोगिहरूलाई बर्दघाट नगरपालिकाका नगरप्रमुख श्रेष्ठले पुरस्कार र प्रमाणपत्र बितरण गर्नु भएको छ ।

निबन्ध प्रतियोगिताको निर्णायकको रुपमा बर्दघाट प्रज्ञा प्रतिष्ठानका सदस्य दिपप्रकाश लोहनी, शोभा पाठक र कृष्णप्रसाद काफ्ले रहनु भएको पुस्तकालयका अध्यक्ष केसीले बताउनु भयो ।

कार्यक्रममा जहदा खानेपानी तथा सरसफाई उपभोक्ता संस्थाका उपाध्यक्ष मनोहरजंग रायमाझी, बडा नं. १२ का निवर्तमान अध्यक्ष मानबहादुर मल्ल, वडा सदस्य दिपकुमारी चौधरी, गजेन्द्र गिरी, पुस्तकालयका उपाध्यक्ष जितबहादुर कोहार लगायतले शुभकामना ब्यक्त गर्नु भएको पुस्तकालयका सचिव गोपालसिंह आलेले जानकारी दिनुभयो ।