७० औं विश्व कुष्ठरोग विरुद्धको दिवस मनाइयो, पश्चिम नवलपरासीमा थप ३० जना कुष्ठरोगी फेला

स्थानीय समाचार

Home
स्थानीय समाचार
७० औं विश्व कुष्ठरोग विरुद्धको दिवस मनाइयो, पश्चिम नवलपरासीमा थप ३० जना कुष्ठरोगी फेला

७० औं विश्व कुष्ठरोग विरुद्धको दिवस मनाइयो, पश्चिम नवलपरासीमा थप ३० जना कुष्ठरोगी फेला

फाइल फोटो

पश्चिम नवलपरासीमा चालु आ.ब.को पुस मसान्तसम्म थप ३० जना कुष्ठरोगी देखापरेका छन् । सरकारले कुष्ठरोग निवारणकालागि भन्दै जति रणनीति तयार पारेको भए पनि रोगीको संख्या वढी रहेको एक तथ्याङ्कले देखाएको छ । लुम्बिनी प्रदेशका १२ जिल्ला मध्ये सबैभन्दा बढि संक्रमण दर नवलपरासीमा देखिएको छ । गत आर्थिक वर्षमा ७७ जना कुष्ठरोगि पहिचान भएको स्वास्थ्य कार्यालयले जनाएको छ । आइतवार परासीमा आयोजना गरिएको ७० औं विश्व कुष्ठरोग विरुद्धको दिवसको अवसरमा सो कुरा बताइएको हो ।

‘कुष्ठरोग अन्त्यका लागि आजैबाट पहल गरौँ’ भन्ने नाराका साथ स्वास्थ्य कार्यालयको आयोजनामा भएको कार्यक्रममा दिवसकै दिन एक जना कुष्ठ रोगि पहिचान भएको स्वास्थ्य कार्यालयका निमित्त प्रमुख ओमप्रकाश पन्थिले। बताउनुभयो । स्वास्थ्य कार्यालयमा भएको कार्यक्रममा तथ्याङ्क अधिकृत बजरंगि चौधरीले नवलपरासीमा कुष्ठरोगि भेटिने क्रम बढ्दै गएको बताउनुभयो ।

सो कार्यक्रममा जिल्ला समन्वय समितिका प्रमुख भगौति यादव, प्रमुख जिल्ला अधिकारी विश्वप्रकाश अर्याल, पृथ्वी चन्द्र अस्पताल परासीका निमित्त प्रमुख मेडिकल सुपरिटेन्डेन्ट डाक्टर मोहम्मद नुरुल होदा, ईन्द्रेणी समाजिक विकास मंचका अध्यक्ष बद्रि सुवेदि, स्वास्थ्य कार्यालयका वरिष्ठ मलेरिया इन्सपेक्टर देविलाल पौडेल लगायतले बोल्नु भएको थियो ।

कुष्ठरोग समयमै उपचार गरे पूर्णतया निको हुन्छ । चिकित्सका अनुसार उपचार गरेका बिरामीबाट यो रोग अर्कोमा सर्दैन । बाक्लो बस्ती र भारतसँग खुला सीमा भएको क्षेत्रमा बढी मात्रामा बिरामी भेटिएका छन् । सामान्यतया कुष्ठरोग लागेको अवस्थामा शरीरमा नचिलाउने खालको सेतो फुस्रो दाग देखा पर्ने, हात खुट्टामा छुँदा या चिमोट्दा थाहा नहुने तथा शरीरमा कमजोरी महसुस हुँदै जानु कुष्ठरोगका लक्षण मान्न सकिन्छ ।

प्रकाशित मिति: आइतबार, माघ १५, २०७९ २२:०३

प्रतिक्रिया दिनुहोस्