प्रधानमन्त्री कार्की नेतृत्वको मौजुदा मन्त्रीमण्डलमा चार जना मन्त्री थपिए

राजनीति

Home
राजनीति
प्रधानमन्त्री कार्की नेतृत्वको मौजुदा मन्त्रीमण्डलमा चार जना मन्त्री थपिए

प्रधानमन्त्री कार्की नेतृत्वको मौजुदा मन्त्रीमण्डलमा चार जना मन्त्री थपिए

प्रधानमन्त्री सुशीला कार्की, ९ वटा मन्त्रालयको जिम्मेवारी ।
पूर्व अर्थसचिव रामेश्वर खनाललाई अर्थमन्त्रालय र संघीय मामिला तथा सामान्य प्रशासन मन्त्रालयको जिम्मेवारी ।
ओमप्रकाश अर्याल, गृहमन्त्रालयको जिम्मेवारी ।
कुलमान धिसिङ, उर्जा, भौतिक पूर्वाधार र शहरी विकास मन्त्रालयको जिम्मेवारी
पूर्व न्यायाधिश अनिल सिन्हालाई उद्योग, वाणिज्य तथा आपूर्ति, कानून न्याय तथा संसदीय मामिला र भूमि व्यवस्था, सहकारी तथा गरिवी निवारण मन्त्रालयको जिम्मेवारी ।
बैज्ञानिक महाविर पुन, शिक्षा, विज्ञान तथा प्रविधि मन्त्रीको जिम्मेवारी ।
कृषि विज्ञ मदन परियार, कृषि तथा पशुपन्छी विकास मन्त्रीको जिम्मेवारी ।
संचारकर्मी जगदिश खरेल, सञ्चार तथा सूचना प्रविधि मन्त्रीको जिम्मेवारी ।

काठमाण्डौं । अन्तरिम सरकारकी प्रधानमन्त्री सुशीला कार्कीले मन्त्रीमण्डलमा चार जना मन्त्री थप गर्नुभएको छ । यद्दपी दोश्रो पटक मन्त्रीमण्डल विस्तार भएपनि मन्त्रीमण्डलले अभै पूर्णता पाएको छैन । प्रधानमन्त्री सुशीला कार्कीले ९ वटा मन्त्रालयको जिम्मेवारी लिनुभएको छ । कार्की नेतृत्वको सरकारमा पूर्व न्यायाधिश अनिल सिन्हा, प्रविधिको क्षेत्रमा काम गरिरहेका महावीर पुन, कृषि विज्ञ मदन परियार र सञ्चारकर्मी जगदिश खरेल मन्त्री बन्नुभएको छ ।

सिन्हालाई उद्योग, वाणिज्य तथा आपूर्ति, कानून न्याय तथा संसदीय मामिला र भूमि व्यवस्था, सहकारी तथा गरिवी निवारण मन्त्रालयको जिम्मेवारी लिनुभएको हो । पून शिक्षा, विज्ञान तथा प्रविधि मन्त्री बन्नुभएको छ । कृषि विज्ञ परियार कृषि तथा पशुपन्छी विकास मन्त्रीको जिम्मेवारी पाउनुभएको छ । सञ्चारकर्मी खरेल सञ्चार तथा सूचना प्रविधि मन्त्री बन्नुभएको छ । यसैबीच, अर्थमन्त्री रामेश्वर खनाललाई संघीय मामिला तथा सामान्य प्रशासन मन्त्रालयको जिम्मेवारी समेत दिइएको छ ।

त्यस्तै, गृहमन्त्री ओमप्रकाश अर्यालले सम्हाल्नुभएको कानून मन्त्रालयको जिम्मेवारी नयाँ मन्त्री अनिल सिन्हालाई दिइएको छ । मन्त्री कुलमान घिसिङको जिम्मेवारी भने यथावतै छ । उहाँले उर्जा, भौतिक पूर्वाधार र शहरी विकास मन्त्रालयको जिम्मेवारी सम्हालिरहनुभएको छ ।

प्रकाशित मिति: मंगलबार, असोज ७, २०८२ ०६:००

प्रतिक्रिया दिनुहोस्