रेडक्रसले मानवताको सेवामा खेलेको भूमिका प्रसंशनीयः नगरप्रमुख यादव

स्थानीय सेरोफेरो

Home
स्थानीय सेरोफेरो
रेडक्रसले मानवताको सेवामा खेलेको भूमिका प्रसंशनीयः नगरप्रमुख यादव

रेडक्रसले मानवताको सेवामा खेलेको भूमिका प्रसंशनीयः नगरप्रमुख यादव

नवलपरासी । रामग्राम नगरपालिकाका नगरप्रमुख धनपत यादवले रेडक्रसले मानवताको सेवामा देखाएको भूमिका प्रसंसनीय रहेको बताउनु भएको छ । “जहाँ दुखः त्यहाँ रेडक्रस” भन्ने नारा बोकेर बिपदका बेला निस्वार्थ भावनाका साथ गाउँबस्तीमा पुगेका कारण रेडक्रसप्रति नागरिकको बलियो आस्था रहेको बताउनु भयो ।

नगरप्रमुख यादवले नेपाल रेडक्रस सोसाईटी जिल्ला शाखा नवलपरासी विजयादशमी, दिपावली र छठ पर्वको असरमा आयोजित शुभकामना आदान प्रदान कार्यक्रममा यस्तो बताउनु भएको हो । सो अवसरमा बोल्दै नगरप्रमुख यादवले नगरक्षेत्रका बिभिन्न संघसंस्थाको संस्थागत विकासका लागि आगामी दिनमा थप पहल र सहयोग गर्ने प्रतिवद्धता समेत व्यक्त गर्नु भएको छ ।

नेपाल रेडक्रस सोसाइटी जिल्ला शाखा नवलपरासीका सभापती राजेन्द्रप्रसाद अग्रहरीको अध्यक्षता र रामग्राम नगरपालिकाका नगरप्रमुख यादवको प्रमुख आतिथ्यमा शुभकामना आदान प्रदान गरिएको हो ।

कार्यक्रममा नेपाल रेडक्रस सोसाईटी लुम्बिनी प्रदेशका कोषाध्यक्ष हैदरअलि मोमिन, पृथ्वीचन्द्र अस्पताल व्यवस्थापन समितिका अध्यक्ष जगदीश चौधरी, नेपाल पत्रकार महासंघ नवलपरासीका अध्यक्ष केशव पराजुली, जिल्ला शाखाका उपसभापती कृष्ण लामिछाने, नेपाल स्वयंसेवी रक्तदाता समाजका अध्यक्ष मोहन पौडेल, परासी उपशाखाका समापती सन्दीप अग्रहरी, पञ्चनगर उपशाखाका सभापती बालकृष्ण लम्साल लगायतले आउँदै गरेको दिपावली र छठ पर्वको शुभकामना व्यक्त गर्नु भएको मन्त्री सुरज केसीले जानकारी दिनुभयो ।

प्रकाशित मिति: बुधबार, असोज २२, २०८२ १८:०५

प्रतिक्रिया दिनुहोस्