- रामग्राम १४, प्रसावलको हडैयापोखरीमा स्थानीय श्रोताहरूसँग विभिन्न विषयमा अन्तरसम्वाद गरिएको छ । कृषि, पर्यटन, विकास निर्माण र स्थानीय भाषा, कला र संस्कृतिलाई जोड दिन र स्थलगत रिपोटिङ्गको माध्यमबाट समुदायका सवालहरुलाई उजागर गर्न श्रोताहरूले आग्रह गरेका छन् ।
परासी । सामुदायिक रेडियो परासी ९०.२ मेगाहर्जले आज १८ औं बार्षिकोत्सव सम्पन्न गरेको छ । रामग्राम १४ प्रसावलको हडैयापोखरिमा श्रोतासँग सम्वाद कार्यक्रमको आयोजना गरी बार्षिकोत्सव मनाइएको हो । २०६५ सालमा स्थापना भएको रेडियोले नवलपरासी जिल्ला र आसपासका क्षेत्रमा आफ्नो प्रसारणलाई निरन्तरता प्रदान गर्दै आएको छ ।
रेडियो परासी ९०.२ मेगाहर्जका अध्यक्ष राजकुमार रेश्मीको अध्यक्षता र रामग्राम नगरपालिकाका नगरप्रमुख धनपत यादवको प्रमुख आतिथ्यतामा कार्यक्रम गरिएको हो । सो अवसरमा नगरप्रमुख धनपत यादवले रेडियोले जिल्लाका विभिन्न क्षेत्र, भाषाभाषि, समूदाय, पर्यटन, कृषि, उद्योग लगायतका क्षेत्रको सम्भावना र चुनौतीहरूलाई उजागर गरेर सहि र सत्य सूचना सम्प्रेषण गर्ने गरेको बताउनु भयो । उहाँले रामग्राम स्तुपा, पण्डितपुर र अन्य पर्यटकीय क्षेत्रको प्रचार प्रसारमा रेडियो परासीले योगदान पु¥याएकोमा धन्यवादको पात्र भएको बताउनु भयो ।
कार्यक्रममा वडा नं. १४ का स्थानीय जनप्रतिनिधि, कृषक, महिलाहरूको उपस्थिति रहेको थियो । श्रोतासँग सम्बाद कार्यक्रममा श्रोताहरूले स्थलगत रिपोटिङ्गलाई प्राथमिकता दिन आग्रह गरेका छन् ।
उनीहरूले रेडियो सामुदायिक भएकोले समुदायका सानासाना विषयवस्तुलाई पनि जोडदिन आग्रह गरेका हुन् । श्रोताहरूले किसानलाई पिरमर्का पर्दा खेतखलियान मै रेडियो पुग्नु पर्ने धारणा व्यक्त गरेका छ्न् ।
स्थानीय भिमदेव भट्टराई, शोभादेवी चौधरी, प्रसुराम यादव, अल्गु पश्चिमाहा थारु र रामअचल लोधले सामुदायिक रेडियो परासीले समुदायस्तरका विषयवस्तुहरुमा ध्यान दिनु पर्ने बताउनु भयो ।
कार्यक्रममा नेपाल पत्रकार महासंघ नवलपरासीका अध्यक्ष केशव पराजुली, रेडियोका संस्थापक अध्यक्ष सुमन गोपाल आचार्य, प्रवन्ध निर्देशक मेघराज गौतम, संचालक सदस्य श्रद्धासुमन आचार्य लगायतले रेडियो परासीको उन्नती र प्रगतिको शुभकामना व्यक्त गर्नु भएको छ ।
