परासी स्थित करदाता सेवा कार्यालय हटाउने निर्णय विरुद्धमा पाँच संघ संगठनद्वारा बुझाए ज्ञापन पत्र

स्थानीय सेरोफेरो

Home
स्थानीय सेरोफेरो
परासी स्थित करदाता सेवा कार्यालय हटाउने निर्णय विरुद्धमा पाँच संघ संगठनद्वारा बुझाए ज्ञापन पत्र

परासी स्थित करदाता सेवा कार्यालय हटाउने निर्णय विरुद्धमा पाँच संघ संगठनद्वारा बुझाए ज्ञापन पत्र

नवलपरासीको सदरमुकाम परासीमा रहेको करदाता सेवा कार्यालय हटाउने नेपाल सरकारको निर्णयको विरुद्धमा आज पाँच वटा संघ संगठनहरुले ज्ञापन पत्र बुझाएका छन् । संस्थाका प्रतिनिधिहरुले नवलपरासी जिल्लाका प्रमुख जिल्ला अधिकारी मार्फत प्रधानमन्त्री सुशीला कार्की र अर्थमन्त्री रामेश्वर खनाललाई ज्ञापन पत्र बुझाएका हुन् ।
नागरिक समाज नवलपरासीका अध्यक्ष बेचु गौंड, उपभोक्ता हित संरक्षण मञ्च नवलपरासीका अध्यक्ष भोजराज बाराकोटी, भ्रष्ट्राचार विरुद्ध नागरिक निगरानी संस्थाका अध्यक्ष रामजी ज्ञवाली, कृषक हकहित संरक्षण मंच नेपालका अध्यक्ष शम्भु प्रसाद उपाध्याय र उद्योग वाणीज्य संघले संयुक्त रुपमा ज्ञापन पत्र बुझाएका हुन् ।

उनीहरुले परासी स्थित कर दाता सेवा कार्यालयले २५ हजार करदाताबाट बार्षिक १ अर्व ११ करोड बढी राजश्व उठाउन सफल भएको अवस्थामा कार्यालय हटाउँदा यस क्षेत्रका सेवाग्राहीहरुलाई मर्का पर्ने जनाएका छन् ।

ज्ञापन पत्रमा करदाता सेवा कार्यालयलाई आन्तरिक राजश्व कार्यालयको रुपमा परिणत गरी कार्यालय यथास्थानमा स्थापित गर्न माग गरिएको भ्रष्टाचार विरुद्ध नागरिक निगरानी संस्थाका अध्यक्ष ज्ञवालीले नेपाली चेली अनलाइनलाई जानकारी दिनुभयो ।