परासी । नेकपा एमालेको आसन्न ११ औं महाधिवेशनका लागि शनिवार नवलपरासीमा प्रतिनिधि छनौटका लागि निर्वाचन हुँदै छ । जिल्लाबाट ११ जना प्रतिनिधि छनौट हुने एमालेले जनाएको छ । ११ जना प्रतिनिधिका लागि ३१ जनाले उम्मेद्ववारी दिएका छन् । आन्तरिक रुपमा सहमति नभएपछि निर्वाचन गरेरै प्रतिनिधि छनौट गर्न लागिएको हो ।
दुई वटा निर्वाचन क्षेत्रबाट ५÷५ जना र दलित १ जना गरी ११ जना प्रतिनिधि छनौट गर्न लागिएको एमाले निर्वाचन आयोगका संयोजक युवराज डुम्रेले जानकारी दिनुभयो ।
क्षेत्र नं. १ बाट खुल्लातर्फ २ जना छनौट हुनेमा ५ जना र महिलातर्फ २ जना छनौट हुनेमा ४ जनाले उम्मेद्ववारी दिएका छन् । यस्तै युवातर्फ १ जना छनौट हुनेमा २ जनाको उम्मेद्ववारी परेको छ । खुल्लातर्फ दिपेन्द्रकुमार अधिकारी, हरिदेव पाण्डेय, धिरजशर्मा वस्याल, सुवासचन्द्र जि.सी र रामलखन हरिजनले उम्मेद्ववारी दिनु भएको छ । महिलातर्फ कुन्तिकुमारी चौधरी, इन्द्रकुमारी थरुनी, लक्ष्मि बर्तौला र राधा ढकालले उम्मेद्ववारी दिनुभएको हो । यस्तै क्षेत्र नं. १ बाट युवातर्फ सुधा ज्ञवाली र सुवर्ण न्यौपानेले उम्मेद्ववारी दिनु भएको एमालेले जनाएको छ ।
यस्तै क्षेत्र नं. २ बाट खुल्लातर्फ २ जना छनौट हुनेमा ८ जना र महिलातर्फ २ जना छनौट हुनेमा ६ जनाले उम्मेद्ववारी दिएका छन् । युवातर्फ १ जना छनौट हुनेमा ४ जनाको उम्मेद्ववारी परेको छ । खुल्लातर्फ श्यामकुमार बस्याल, थानप्रसाद गैरे, डोलराज भण्डारी, राजनकुमार आचार्य, बिरेन्द्र यादव, सूर्यप्रसाद न्यौपाने, भगौती यादव र लेखनाथ खरेलले उम्मेदवारी दिनुभएको छ । महिलातर्फ शान्ता भण्डारी, भगवती भण्डारी, धनमाया क्षेत्री, सरीता पौडेल, लक्ष्मी क्षेत्री र तारा आचार्यले उम्मेद्ववारी दिनु भएको छ । यस्तै युवातर्फ बिमल बगाले, दिपककुमार गैरे, भोला पराजुली र बिनाद पुनले उम्मेदवारी दिनु भएको छ ।
यस्तै जिल्लाबाट १ जना दलितका लागि २ जनाले उम्मेद्ववारी दिनु भएको छ । दलित तर्फ तुलसीप्रसाद पासी र तारा सुनारको उम्मेदवारी परेको निर्वाचन आयोगका संयोजक डुम्रेले नेपाली चेली अनलाइनलाइ जानकारी दिनुभयो ।
नवलपरासी जिल्लामा एमालेका संगठीत सदस्यहरु ३ हजार ८४४ छन् ।
