स्वयंसेविका दिवसको अवसरमा बर्दघाट नगरपालिकाद्वारा महिला स्वयंसेविकाहरूलाई मोबाईल बितरण

स्थानीय सरकार

Home
स्थानीय सरकार
स्वयंसेविका दिवसको अवसरमा बर्दघाट नगरपालिकाद्वारा महिला स्वयंसेविकाहरूलाई मोबाईल बितरण

स्वयंसेविका दिवसको अवसरमा बर्दघाट नगरपालिकाद्वारा महिला स्वयंसेविकाहरूलाई मोबाईल बितरण

नवलपरासी । २२ औं सामुदायिक स्वास्थ्य स्वयं सेविका दिवसको अवसरमा नवलपरासीको बर्दघाट नगरपालिकाले ४४ जना स्वयंसेविकाहरूलाई मोबाईल बितरण गरेको छ । महिला स्वयंसेविकासँग सूचना प्रवाहलाई सहज बनाउन मोबाइल वितरण गरिएको नगरपालिकाले जनाएको हो ।

बर्दघाट नगरपालिकाका नगरप्रमुख शम्भुलाल श्रेष्ठले पालिकाभित्रका ४४ जना महिला स्वयंसेविकालाई मोबाइल वितरण गर्नु भएको छ । नगरप्रमुख श्रेष्ठले स्वयंसेविकालाई प्रविधिसँग जोड्न सके सेवा प्रवाह प्रभावकारी हुने विश्वास व्यक्त गर्नु भयो । उहाँले आफूले घोषणा गरे बमोजिम नै मोबाईल बितरण गरेको बताउनु भयो ।

बर्दघाट नगरपालिकाले ६ लाख ६० हजार मूल्य बराबरको मोबाईल बितरण गरेको हो । स्वास्थ्य सेवा प्रवाहलाई प्रभावकारी बनाउन प्रती स्वयंसेवीका १५ हजार मुल्यको एन्ड्रोईड मोबाइल सेट वितरण गरिएको बताइएको छ ।

प्रकाशित मिति: शुक्रबार, मंसिर १९, २०८२ १७:१६

प्रतिक्रिया दिनुहोस्