मंगलबार परासीमा १५ जनाले रगत दान गरे

स्थानीय समाचार

Home
स्थानीय समाचार
मंगलबार परासीमा १५ जनाले रगत दान गरे

मंगलबार परासीमा १५ जनाले रगत दान गरे

मानवताको सेवा जीवनको सर्वोत्तम कार्य हो भन्ने मूल आस्थालाई आत्मसाथ गर्दै मंगलबार रामग्राम महिला जेसीजले परासीमा रक्तदान कार्यक्रमको आयोजना गरेको छ । रक्तदान कार्यक्रममा १५ जनाले रक्तदान गरेको आयोजक संस्था जेसीजले जनाएको छ । बिरामी परेका बेला रगतको आवश्यकता पर्दा सहज रुपमा रगत प्राप्त गर्न सकियोस भनेर रक्तदान कार्यक्रमको आयोजना गरिएको हो ।

रामग्राम महिला जेसीज वर्ष २०२३ का अध्यक्ष जोगमाया चौधरीको अध्यक्षता तथा जिल्ला प्रहरी कार्यालयका प्रहरी निरीक्षक राजन खड्काको प्रमुख आतिथ्यमा भएको उक्त कार्यक्रममा महिला जेसीजका पूर्व अध्यक्ष रिङ्गला यादवले रक्तदानको महत्वको बारेमा प्रकाश पार्नु भएको थियो ।

कार्यक्रममा पाल्हीनन्दन गाउँपालिकाका उपाध्यक्ष फातिमा खातुन अन्सारी, नेपाल जेसीजका पूर्व राष्ट्रिय उपाध्यक्ष सन्दिप अग्रहरी, वरिष्ट प्रहरी निरिक्षक गोपाल बहादुर कुवर, रामग्राम जेसीज वर्ष २०२३ का अध्यक्ष बेनि माधव बस्याल, महिला जेसीजका पूर्व अध्यक्ष प्रभा ज्ञवाली उपाध्यक्ष रमा गौतम लगायतको उपस्थिति रहेको महिला जेसीजका महासचिव डोल्मा चौधरीले जानकारी दिनु भयो ।

रक्तदान कार्यक्रममा नेपाल रेडक्रस सोसाइटी परासी शाखाले प्राविधिक सहयोग गरेको थियाे । रामग्राम महिला जेसीजले सन् २०२३ को डिसेम्बर महिनामा विभिन्न ७ वटा कार्यक्रम संचालन गरिसकेकाे छ ।

प्रकाशित मिति: मंगलबार, माघ १७, २०७९ १६:३९

प्रतिक्रिया दिनुहोस्