पश्चिम नवलपरासीमा १३ हजार २ सय बढी मतदाता थपिए, कुल मतदाताको सङ्ख्या दुई लाख ५४ हजार १५७ पुग्यो

स्थानीय सेरोफेरो

Home
स्थानीय सेरोफेरो
पश्चिम नवलपरासीमा १३ हजार २ सय बढी मतदाता थपिए, कुल मतदाताको सङ्ख्या दुई लाख ५४ हजार १५७ पुग्यो

पश्चिम नवलपरासीमा १३ हजार २ सय बढी मतदाता थपिए, कुल मतदाताको सङ्ख्या दुई लाख ५४ हजार १५७ पुग्यो

महिला मतदाताको सङ्ख्याभन्दा पुरुष मतदाताको संख्या ३ हजार २२३ ले बढी ।

परासी । पश्चिम नवलपरासीमा १३ हजार २२७ नयाँ मतदाता थपिएको निर्वाचन कार्यालयले जनाएको छ । थपिएका सँगै जिल्लामा अब २ लाख ५४ हजार १५७ मतदाताले मताधिकार प्रयोग गर्ने भएका हुन् ।

निर्वाचन कार्यालयका अनुसार १ हजार २८४ मतदाता दोहोरो नामका कारण हटाइएको छ ।

नवलपरासी जिल्लाको क्षेत्र नम्बर १ मा ६३ हजार ५२ जना पुरुष , ६० हजार २६ जना महिला र एक जना अन्य गरी कुल १ लाख २३ हजार ८० मतदाता रहेका छन्।

यस्तै क्षेत्र नम्बर २ मा ६६ हजार १३१ जना पुरुष, ६४ हजार ९४४ महिला र दुई जना अन्य गरी कुल १ लाख ३१ हजार ७७ जना मतदाता रहेका छन्। यसअघि २०७९ को निर्वाचनमा दुई लाख ४० हजार ९३० मतदाता रहेका थिए।

जिल्लामा महिला मतदाताको सङ्ख्याभन्दा पुरुष मतदाताको संख्या ३ हजार २२३ ले बढी छ । निर्वाचन कार्यालयका अनुसार एक सय २२ मतदान स्थल र २ सय ९७ मतदान केन्द्र तोकिएको छ । तीमध्ये १२ मतदान स्थललाई अति संवेदनशील मतदान स्थलको रुपमा राखिएको छ।

प्रकाशित मिति: बिहीबार, पुस १७, २०८२ १८:४३

प्रतिक्रिया दिनुहोस्