सरावल गाउँपालिकाद्वारा पाँच सय भूमिहिन दलित, सुकुम्वासी र अव्यवस्थित बसोवासीलाई जग्गाको निस्सा वितरण

स्थानीय सरकार

Home
स्थानीय सरकार
सरावल गाउँपालिकाद्वारा पाँच सय भूमिहिन दलित, सुकुम्वासी र अव्यवस्थित बसोवासीलाई जग्गाको निस्सा वितरण

सरावल गाउँपालिकाद्वारा पाँच सय भूमिहिन दलित, सुकुम्वासी र अव्यवस्थित बसोवासीलाई जग्गाको निस्सा वितरण

परासी । नवलपरासीको सरावल गाउँपालिकाले भूमिहिन दलित, भूमिहिन सुकुम्वासी र अव्यवस्थित बसोवासीहरू मध्ये पाँच सय जनालाई जग्गाको निस्सा वितरण गरेको छ । सोमबार सरावल ४ मंगलापुरमा उनीहरुलाई जग्गाको निस्सा वितरण गरिएको गाउँपालिकाका अध्यक्ष सुखाडिप्रसाद चौधरीले जानकारी दिनुभयो ।

गाउँपालिकामा भूमिहिन दलित, भूमिहिन सुकुम्वासी र अव्यवस्थित बसोवासीहरुको संख्या ३ हजार १०२ जना रहेका छन् । सोमबार वडा न १ र ३ मा जग्गा नापी कार्य गरिएको छ भने वडा नं. ४ मा करिव पाँच सय जनालाई जग्गाको निस्सा वितरण गरिएको अध्यक्ष चौधरीले बताउनु भयो ।

वडा नं. ४ का अध्यक्ष सुरेशप्रसाद यादवको अध्यक्ष र गाउँपालिकाका अध्यक्ष चौधरीको प्रमुख आतिथ्यमा भूमिहिन दलित, भूमिहिन सुकुम्वासी र अव्यवस्थित बसोवासीहरुलाई निस्सा वितरण गरिएको हो ।

सो अवसरमा गाउँपालिकाकी उपाध्यक्ष वास्मती हरिजन, नापि प्राविधिक निरज प्रजापती, प्रशासन प्रमुख राजन वस्याल र वडा नं. ४ का सचिव नगेन्द्र यादव लगायतले बोल्दै भूमिहिन दलित, सुकुम्वासी र अव्यवस्थित बसोवासीहरूको व्यवस्थापनमा गाउँपालिका प्रतिवद्ध भएर लागिरहेको बताइएको छ ।

प्रकाशित मिति: मंगलबार, पुस २२, २०८२ १०:५५

प्रतिक्रिया दिनुहोस्