नवलपरासी । नेपाली कांग्रेस औपचारिक रुपमै फुटको छ । लामो समयको वार्ता र रस्साकसीपछि पनि दुवै पक्षबीच सहमति हुन नसकेपछि कांग्रेस औपचारिक रुपमै फुटेको हो। विशेष महाधिवेशन पक्षधरले काङ्ग्रेसमा समानान्तर समिति बनाएपछि कांग्रेस आधिकारिक रुपमै फुटेको हो।
पार्टीको विशेष महाधिवेशनबाट गगनकुमार थापा सर्वसम्मत सभापतिमा चयन हुनुभएको छ भने संस्थापन पक्षले कांग्रेस महामन्त्री द्वय गगन कुमार थापा, विश्वप्रकाश शर्मा र फरमुल्ला मनसुरलाई पाँच वर्षका लागि कारबाही गरेको छ।
अहिले दुवै पक्षधरले निर्वाचन आयोगमा आफू आधिकारिक भएको दाबी गर्दै निवेदन दर्ता गरेका छन्।
निर्वाचन आयोगका प्रवक्ता नारायणप्रसाद भट्टराईले दुवै पक्षको पत्र निर्वाचन आयोगमा आएको र त्यसमा अध्ययन भइरहेको बताउनुभएको छ ।
विशेष महाधिवेशनले नेपाली कांग्रेसको उपसभापतिमा विश्व प्रकाश शर्मा र पुष्पा भुसाललाई सर्वसम्मत चयन गरेको छ।
त्यस्तै सह महामन्त्रीमा महिलातर्फ डिला संग्रौला, दलिततर्फ प्रकाश रसाइली, आदिवासीतर्फ बहादुर सिंह लामा, खस आर्यतर्फ उदयशमशेर जबरा, मधेसीतर्फ मुक्ताकुमारी यादव, मुस्लिमतर्फ फर्मुल्लाह मनसुर, थारुतर्फ योगेन्द्र चौधरी र पिछडिएको क्षेत्रबाट कर्णबहादुर बुढा चयन हुनुभएको छ भने केन्द्रीय सदस्यहरू पनि सर्वसम्मत भएका छन्।
