पश्चिम नवलपरासीमा गएको साढे ६ महिनामा ४ करोड २९ लाख वढी राजश्व दाखिला

स्थानीय समाचार

Home
स्थानीय समाचार
पश्चिम नवलपरासीमा गएको साढे ६ महिनामा ४ करोड २९ लाख वढी राजश्व दाखिला

पश्चिम नवलपरासीमा गएको साढे ६ महिनामा ४ करोड २९ लाख वढी राजश्व दाखिला

चालु आ.ब.को साढे ६ महिनाको अवधिमा अवैध रुपमा भन्सार छली, अवैध नदीजन्य पदार्थ उत्खनन र अवैद्य रुपमा वन पैदावर तस्करीबाट जिल्ला प्रहरी कार्यालय पश्चिम नवलपरासीले ४ करोड २९ लाख ३० हजार ७ सय ६५ मूल्य बराबरको राजश्व संकलन गरेको छ ।

जसमा ४ करोड २ लाख १५ हजार १ सय ६० मूल्य बराबरको अवैध रुपमा भन्सार छली गरी ल्याइएको विभिन्न मालसामान रहेको छ । त्यस्तै ११ लाख ८६ हजार २ सय ५० मूल्य बराबरको अवैध नदीजन्य पदार्थ उत्खनन् शिर्षकमा राजश्व संकलन भएको छ । यस्तै १५ लाख २१ हजार ३ सय ५५ मूल्य बराबरको अवैद्य वन पैदावर रहेको जिल्ला प्रहरी कार्यालयका सूचना अधिकारी भोजराज पाण्डेले जानकारी दिनु भयो ।

जिल्ला प्रहरी कार्यलय तथा ईलाका प्रहरी कार्यालयको मातहतमा सो रकम संकलन गरिएको वताइएको छ । उक्त अवधिमा ५ जना व्यक्ति पक्राउ परेका छन् भने २४ वटा ट्याक्टर, १२ वटा मोटरसाईकल पनि वरामद भई आवश्यक कार्यवाहीकालागि महेशपुर भन्सार पठाइएको सूचना अधिकारी पाण्डेले बनाउनु भयो ।

जसमा सबैभन्दा बढी तस्कर भएका सामान मध्ये चिनी, कपडा, हार्डवेयरका सामाग्री, इलेट्रिक सामाग्री, सवारी साधानका पार्टपुर्जा, पशु तथा चौपायाकाहरु रहेको र थप अनुसन्धानका लागि भन्सार कार्यालय महेशपुर पठाइएको पाण्डेले नेपाली चेलीलाई बताउनुभयो ।

प्रकाशित मिति: बिहीबार, माघ १९, २०७९ ०६:०६

प्रतिक्रिया दिनुहोस्