लुम्बिनीबाट राष्ट्रियसभा सदस्यमा कांग्रेस–एमाले गठबन्धन विजयी

राजनीति

Home
राजनीति
लुम्बिनीबाट राष्ट्रियसभा सदस्यमा कांग्रेस–एमाले गठबन्धन विजयी

लुम्बिनीबाट राष्ट्रियसभा सदस्यमा कांग्रेस–एमाले गठबन्धन विजयी

परासी । लुम्बिनी प्रदेशबाट राष्ट्रिय सभा सदस्यमा नेपाली कांग्रेस र नेकपा (एमाले) गठबन्धनका उम्मेदवार विजयी भएका छन् ।

एमालेबाट महिला कोटामा रामकुमारी झाँक्री, काँग्रेसबाट अपाङ्गता कोटामा बासुदेव घिमिरे र अन्य कोटामा चन्द्रबहादुर केसी विजयी बन्नु भएको हो । झाँक्री मदाने गाउँपालिका–४, गुल्मी निवासी हुनु हुन्छ भने उहाँले ६ हजार ३०३ मतभारका साथ निर्वाचित बन्नु भयो । नेपाली काँग्रेसका घिमिरे अपाङ्गता कोटामा लमही –३, दाङ निवासी हुनु हुन्छ उहाँले ६ हजार ३२२ मतभारका साथ विजयी बन्नु भएको छ । यस्तै अन्य कोटामा रेसुङ्गा नगरपालिका–३, गुल्मीका केसी ५ हजार ९७७ मतभारका साथ निर्वाचित हुनु भएको निर्वाचन अधिकृत प्रकाशप्रसाद पण्डितले बताए ।

निर्वाचनमा २ सय ८६ मत खसेको थियो । जसमा प्रदेशसभा सदस्यतर्फ पुरुष ४८ र महिला ३० गरी ७८ जना र स्थानीय तहतर्फ पुरुष १२३ र महिला ८५ गरी २ सय ८ जनाले मतदान गरेका थिए । प्रदेशसभा सदस्यतर्फ ५ र स्थानीय तहतर्फ ८ जना मतदानमा अनुपस्थित भएका छन् ।

तीन जना राष्ट्रियसभा सदस्यका लागि लुम्बिनी प्रदेशबाट आठ जना उम्मेदवारबीच प्रतिस्पर्धा भएको थियो । कांग्रेस–एमाले गठबन्धनबाट तीन, नेपाली कम्युनिष्ट पार्टीबाट तीन र राष्ट्रिय जनमोर्चाबाट दुई जना उम्मेदवार बनेका थिए ।

नेपाली कम्युनिष्ट पार्टीबाट महिला कोटामा दुर्गा कुमारी भण्डारी, अपाङ्गतामा सर्जन विक र अन्यमा बृहस्पति अधिकारी उम्मेदवार बन्नु भएको थियो । राष्ट्रिय जनमोर्चाबाट महिलामा पद्मा पण्डित र अन्यमा बोम बहादुर खत्री हुनु हुन्थ्यो ।

प्रकाशित मिति: आइतबार, माघ ११, २०८२ १९:१८

प्रतिक्रिया दिनुहोस्