एमाले उम्मेदवार खरेलद्वारा घरदैलो र भेटघाट कार्यक्रम जारी

राजनीति

Home
राजनीति
एमाले उम्मेदवार खरेलद्वारा घरदैलो र भेटघाट कार्यक्रम जारी

एमाले उम्मेदवार खरेलद्वारा घरदैलो र भेटघाट कार्यक्रम जारी

टेक हरिजन, परासी । नेकपा एमाले नवलपरासी पश्चिम क्षेत्र नम्बर २ का प्रतिनिधि सभा सदस्य उम्मेदवार लेखनाथ खरेल यतिबेला घरदैलो अभियानलाई तीव्रता दिँदै मतदाता भेटघाटमा व्यस्त हुनुहुन्छ ।

निर्वाचन क्षेत्र अन्तर्गत पर्ने विभिन्न टोल–टोलमा पुगेर उहाँले जनताको समस्या, सुझाव र अपेक्षा सुन्दै समृद्ध नवलपरासी निर्माणको प्रतिबद्धता व्यक्त गर्नुभएको छ।
मतदाता बीच भेटघाटका क्रममा स्थानीय मतदाताहरूले गरिब, दलित, उत्पीडित तथा महिलाको हक–अधिकार सुनिश्चित गर्न अग्रणी भूमिका खेलेको भन्दै नेकपा एमाले प्रति विश्वास व्यक्त गरेका छन्। नेपालमै पहिलो पटक वृद्ध भत्ता, एकल महिला भत्ता जस्ता सामाजिक सुरक्षा कार्यक्रम लागू गरेको, विभिन्न गम्भीर रोगको निःशुल्क उपचारको व्यवस्था मिलाएको तथा नवलपरासीमा चरणबद्ध रूपमा सडक विस्तार, शुद्ध खानेपानी, शिक्षा र स्वास्थ्य क्षेत्रमा उल्लेखनीय विकास गरेको भन्दै मतदाताले प्रशंसा गरेका छन्।

सुनवल र रामग्रामका विभिन्न वडामा आयोजित भेटघाट कार्यक्रममा स्थानीयले “विकास चाहिन्छ भने एमाले सरकार चाहिन्छ” भन्ने धारणा राख्दै फेरि एक पटक देशको बागडोर नेकपा एमाले लाई सुम्पिनुपर्ने बताएका छन्। मतदाताहरूले “नेकपा एमाले जिन्दाबाद” का नाराले माहोल उत्साहित पनि बनेको थियो। सो अवसरमा प्रतिनिधि सभा सदस्य उम्मेदवार लेखनाथ खरेलसँगै समानुपातिक उम्मेदवार रिङ्गला यादव लगायतका केन्द्रीय र जिल्ला नेताहरूको उपस्थिति रहेको थियो।

उम्मेदवार खरेलले विगतमा सरकारमा रहँदा गरेको विकास निर्माणको चर्चा गर्दै स्थिर सरकार र दिगो विकासका लागि पुनः नेकपा एमालेलाई सूर्य चिन्हमा मतदान गर्न आग्रह गर्नुभएको छ। स्थानीयको बढ्दो समर्थन र उत्साहले नवलपरासी पश्चिमका दुईवटै निर्वाचन क्षेत्रहरूमा एमालेप्रति जनलहर देखिएको राजनीतिक विश्लेषकहरूले बताएका छन् ।

प्रकाशित मिति: आइतबार, फागुन ३, २०८२ ०६:२८

प्रतिक्रिया दिनुहोस्