एमाले उम्मेदवार खरेलको घरदैलोः उत्साहित भएर अघिबढ्न मतदाताको आग्रह

राजनीति

Home
राजनीति
एमाले उम्मेदवार खरेलको घरदैलोः उत्साहित भएर अघिबढ्न मतदाताको आग्रह

एमाले उम्मेदवार खरेलको घरदैलोः उत्साहित भएर अघिबढ्न मतदाताको आग्रह

मीना केसी, सुनवल । नेकपा एमाले नवलपरासी क्षेत्र नं. २ का उम्मेदवार लेखनाथ खरेलले आज सुनवलको मुख्य बजार क्षेत्रमा घरदैलो गर्नु भएको छ । घरदैलोमा मतदातालाई भेटेर सूर्य चिन्हमा मतदान गरी यस क्षेत्रको समग्र विकासमा योगदान गर्ने अवसर दिन उहाँले आग्रह गर्नु भएको हो । घर भेटघाटमा पुग्दा मतदाताले उत्साहित हुँदै सहयोग गर्ने बाचा गरेको उम्मेदवार खरेलले बताउनु भयो ।

मतदाताहरूले देश र राष्ट्रियताको प्रवद्र्धन गर्न एमाले बलियो राष्ट्रिय शक्ति बन्नु पर्ने बताएका छन् । उनीहरूले बिगतमा भएका केही गल्तीकमजोरीहरूलाई सच्याउन सुझाव दिँदै अपुरा र अधुरा काम सम्पन्न गर्न एमालेको पक्षमा मतदान गर्ने बताएका हुन् । घरदैलोका क्रममा सुनवलका एक व्यवसायीले उम्मेदवार खरेललाई एमालेको पक्षमा चुनावी माहोल बनेकोले उत्साहित भएर अगाडि बढ्न आग्रह गर्नुभयो ।

सुनवल १ को बजार क्षेत्रमा घरदैलो कै क्रममा “आफूले जानेदेखि नै सूर्य चिन्हमा मतदान गरेकोले यस पटक पनि एमालेलाई नै मत दिन्छु, देशको उन्नती र युवाहरूलाई राम्रो गर्नु”, एक जेष्ठ नागरिक महिलाले भन्नुभयो ।

घरदैलो र जनभेटघाटका क्रममा विभिन्न चोकचोकमा कोषसभाको शैलिमा उम्मेदवार खरेल, एमाले पूर्व पोलिटव्यूरो सदस्य एवं पूर्व मन्त्री बैजनाथ चौधरी, एमाले जिल्ला कमिटिका उपाध्यक्ष एवं चुनाव प्रचार प्रसार समितिका संयोजक डोलराज भण्डारी, सहसचिव राजनकुमार आचार्य लगायतले एमालेको पक्षमा मतदान गर्न आग्रह गर्नु भएको छ ।