मतदानका दिन अत्यावश्यक बाहेकका सवारी साधनमा प्रशासनको रोक (कस्ता साधन चलाउन पाइन्छ हेरौं)

स्थानीय सेरोफेरो

Home
स्थानीय सेरोफेरो
मतदानका दिन अत्यावश्यक बाहेकका सवारी साधनमा प्रशासनको रोक (कस्ता साधन चलाउन पाइन्छ हेरौं)

मतदानका दिन अत्यावश्यक बाहेकका सवारी साधनमा प्रशासनको रोक (कस्ता साधन चलाउन पाइन्छ हेरौं)

परासी । फाल्गनु २१ गते हुने प्रतिनिधि सभा सदस्य निर्वाचनका दिन अत्यावश्यक सेवा बाहेकका सवारी साधन सञ्चालनमा जिल्ला प्रशासन कार्यालय नवलपरासीले रोक लगाइने भएको छ ।

आज प्रशासनले सूचना जारी गर्दै मतदान कार्य सम्पन्न नभएसम्म तोकिएका सवारी साधन मात्र सञ्चालन गर्न पाइने जनाएको हो ।

तोकिएका सवारी साधनहरू...

दमकल, एम्बुलेन्स, शववाहन,
खानेपानीका ट्याङ्कर, दूध, फलफूल, तरकारी, माछा, मासु, पेट्रोलियम पदार्थ बोकेका सवारी साधन,
दूरसञ्चार सेवा, खानेपानी, विद्युत, ढल मर्मतका लागि प्रयोग हुने सवारी साधन,
अस्पताल सेवाका सवारी साधनहरू (अस्पतालका चिकित्सक र स्वास्थ्यकर्मीलाई घरदेखि अस्पताल र अस्पतालदेखि घरसम्म आवतजावत गर्न),
अन्तर्राष्ट्रिय तथा आन्तरिक हवाई सेवाका यात्रु बोकेका सवारी साधन (विमानस्थलदेखि घर वा होटलसम्म र घर वा होटलदेखि विमानस्थलसम्म),
हिँड्न नसक्ने गर्भवती महिला, सुत्केरी, साथमा आफ्नै बच्चा बोकेकी महिला, किरियापुत्री, शारीरिकरूपले अशक्त वा अपाङ्गता भएका व्यक्ति, हिँड्न नसक्ने जेष्ठ नागरिक मतदाता र निजका एकजना सहयोगी बोकेका सवारी साधन,
नम्बर प्लेटमा सीडी उल्लेख भएका कूटनीतिक नियोगका सवारी साधन,
आयोगबाट जारी भएको पर्यवेक्षक परिचयपत्र बाहक पर्यवेक्षकले प्रयोग गर्ने सवारी साधन (सो परिचयपत्रमा उल्लेखित स्थानमा मात्र),
मानव अधिकार आयोगबाट अनुमगन/पर्यवेक्षणका लागि प्रयोग गर्ने सवारी साधन र प्रेस पास भएका पत्रकारका सवारी साधन ।