नवलपरासीको उजैनीमा भएको सवारी दुर्घटनामा एक निर्वाचन प्रहरीको ज्यान गयो

स्थानीय सेरोफेरो

Home
स्थानीय सेरोफेरो
नवलपरासीको उजैनीमा भएको सवारी दुर्घटनामा एक निर्वाचन प्रहरीको ज्यान गयो

नवलपरासीको उजैनीमा भएको सवारी दुर्घटनामा एक निर्वाचन प्रहरीको ज्यान गयो

परासी । नवलपरासीको रामग्राम ७ उजैनीस्थित परासी–महेशपुर सडकखण्डमा आइतबार साँझ भएको सवारी दुर्घटनामा परि एक जना निर्वाचन प्रहरीको ज्यान गएको छ । सोही दुर्घटनामा दुई जना घाइते भएका छन् ।

युपि ५७ बाई ४५३४ नम्बरको कारले लु ३३ प १६४६ नम्बरको मोटरसाइकललाई ठक्कर दिँदा मोटरसाइकल सोहि दिशामा गइरहेको साइकलमा ठोक्किएको थियो। दुर्घटनामा मोटरसाईकल सवार सरावल–२ मनरीका १९ वर्षीय निर्वाचन प्रहरी सुरज चमारको उपचारका क्रममा ज्यान गएको हो । उहाँ डिउटीका लागि कार्यालय तर्फ जाँदै गरेको प्रहरीले जनाएको छ ।

मोटरसाइकल चालक १८ वर्षीय राज अली अन्सारी घाइते भई लुम्बिनी सिटी अस्पताल बुटवल रिफर गरिएको छ भने साइकल यात्री ६० वर्षीय बल्ली राठौर उपचारपछि डिस्चार्ज हुनभएको छ । क कार चालक भारत कुशीनगर जिल्ला, कप्तानगंजका २३ वर्षीय अब्दुल हफिजलाई प्रहरीले नियन्त्रणमा लिई थप अनुसन्धान भइरहेको जिल्ला प्रहरी कार्यालय नवलपरासीका सूचना अधिकारी एवं डिएसपि विरदत्त पन्तले नेपाली चेली अनलाईनलाई जानकारी दिनुभयो ।