नवलपरासीका २ महिला उद्यमी सम्मानीत (सम्मानीत भएसँगै महिला उद्दमी आचार्य)

स्थानीय सेरोफेरो

Home
स्थानीय सेरोफेरो
नवलपरासीका २ महिला उद्यमी सम्मानीत (सम्मानीत भएसँगै महिला उद्दमी आचार्य)

विश्व उपभोक्ता अधिकार दिवस नवलपरासीका २ महिला उद्यमी सम्मानीत (सम्मानीत भएसँगै महिला उद्दमी आचार्य)

परासी । विश्व उपभोक्ता अधिकार दिवसको अवसरमा आइतबार नवलपरासीका २ महिला उद्यमीहरूलाई सम्मान गरिएको छ । जिल्लाको बर्दघाट नगरपालिका र सुस्ता गाउँपालिकाका सफल महिला उद्यमीहरूलाई दिवसको अवसरमा नगदसहित सम्मान गरिएको हो ।

वर्दघाट नगरपालिका वडा नं. ७ मा मोर्डन पेपर व्याग उद्यागकी सञ्चालक नोशन आचार्य र सुस्ता गाउँपालिका वडा नं. २ मा लक्ष्मी पटेर उद्योगकी सञ्चालक कल्पीकुमारी चौधरीलाई नगर २५ हजारसहित सम्मान गरिएको हो ।

आचार्यले विगत २ बर्षदेखि प्याष्टिकमूक्त अभियान सञ्चालन गर्दै विभिन्न साइजका पेपर व्यागहरू उत्पादन गर्दै आउनु भएको छ । उहाँले उत्पादन गरेका कागजका झोलाहरू ८० प्रतिशत पोखरामा खपत हुँदै आएको छ ।

यस्तै चौधरीले आफ्नै सीप र स्थानीय उत्पादनका रुपमा विगत १० बर्षदेखि पटेरबाट विभिन्न सामाग्री निर्माण गर्दै आउनु भएको छ । उहाँले आफ्नो उत्पादनको माग वढीभएकोले उत्पादन गर्नै नसकिने अवस्था भएको बताउनु भयो । उहाँले निर्माण गर्ने पटेरका मुडा, चकटी काठमाण्डौ र विदेशमा समेत निर्यात हुने गरेको बताउनुभयो ।

आइतबार परासीमा आयोजित कार्यक्रममा उहाँहरुलाई नगदसहित सम्मान गरिएको हो । जिल्ला समन्वय समिति नवलपरासीका प्रमुख भगौती यादवको अध्यक्षता र लुम्बिनी प्रदेशका साँसद बैजनाथ जैसवालको प्रमुख आतिथ्यमा महिला उद्यमीहरूलाई सम्मान गरिएको छ ।