सुस्तामा नदी कटान रोक्न लुम्बिनी प्रदेश सरकारले २५ लाख दिने

स्थानीय सेरोफेरो

Home
स्थानीय सेरोफेरो
सुस्तामा नदी कटान रोक्न लुम्बिनी प्रदेश सरकारले २५ लाख दिने

सुस्तामा नदी कटान रोक्न लुम्बिनी प्रदेश सरकारले २५ लाख दिने

नवलपरासी । लुम्बिनी प्रदेश सरकारले पश्चिम नवलपरासीको सुस्ता क्षेत्रमा नदी कटान तथा बाढीको जोखिम न्यूनीकरणका लागि २५ लाख रुपैयाँ उपलब्ध गराउने निर्णय गरेको छ ।

आज मुख्यमन्त्री चेतनारायण आचार्यसहित बसेको प्रदेश विपद् व्यवस्थापन परिषद्को बैठकले सुस्ता गाउँपालिका–५ थारुटोलस्थित नारायणी नदीको कटान तथा बाढीको जोखिम न्यूनीकरणका लागि २५ लाख रुपैयाँ निकासा गर्ने निर्णय गरेको हो ।

प्रदेश विपद् व्यवस्थापन कोषबाट उपलब्ध हुने उक्त रकम जलस्रोत तथा सिँचाइ विकास डिभिजन कार्यालय, नवलपरासीमार्फत खर्च गरिने परिषद्ले जनाएको छ।

नारायणी नदीको कटानका कारण सुस्ताका बस्ती तथा स्थानीयवासी जोखिममा पर्दै आएका छन् । प्रदेश सरकारको यो निर्णयबाट नदी कटान नियन्त्रण तथा बाढीबाट हुने सम्भावित क्षति न्यूनीकरणमा सहयोग पुग्ने अपेक्षा गरिएको छ ।

नारायणीनदीमा बाढी आएसँगै लुम्बिनी प्रदेशका मुख्यमन्त्री आचार्य गत साउन २३ गते शुक्रवार सुस्ता पुगेर वाढी र कटानको अनुगमन निरिक्षण पछि प्रदेश सरकारले नदि कटान नियन्त्रण गर्न बजेट विनियोजन गर्ने प्रतिवद्धता व्यक्त गर्नु भएको थियो ।

प्रकाशित मिति: शनिबार, भदौ ६, २०८३ ०७:१४

प्रतिक्रिया दिनुहोस्